何敏怡「神」級童顏 減齡做學生妹

東方日報
·2 分鐘文章
曾任職牙醫助護的何敏怡,入娛樂圈後多次做「女神」。
曾任職牙醫助護的何敏怡,入娛樂圈後多次做「女神」。

現年28歲、有「少女米雪」之稱的藝人何敏怡,予人鄰家女孩感覺,經常被揀中演女神角色,近日有份參與的網劇要飾演18歲學生妹,童顏也感壓力!

何敏怡(Homan)外表斯文,讀書時同學都覺得她似護士,結果她真的考取護士專業,入行前是牙醫助護,她說:「可能我自細唔驚睇牙醫,牙齒都健康。有人話我笑起嚟好似米雪,有次攞米雪姐細個嘅相對比,神態同笑容係有啲似,好想見佢真人,唔知會唔會有一見如故嘅感覺呢?」

2018年在無綫節目《美女廚房》化身「美女學徒」入行的她,被網民捧為女神,原來她已多次「封神」,笑說:「有個廣告同古天樂合作,有港女同女神2個角色,我以為自己會做港女,點知揀咗我做女神!另一次美食嘉年華,我都係做女神。」她與林耀聲及黃子雄合作的網劇早前播出,劇中她又演女神:「其實我係一個幾活潑嘅女仔,不過入行到依家,好多導演都覺得我比較文靜,不過都開心嘅,我屋企人都偏向童顏,可能覺得我鄰家女孩,入屋啲、襟睇啲。」

挑戰做歌手

近日她忙於拍攝另一網劇,飾演18歲學生:「有少少壓力,因為我思想有啲成熟。」劇情有關命理,其角色是導演看過她的八字後特別寫出來,故感覺真實。演戲以外,她同時追求歌手夢,首支派台歌與歌手符家浚合唱,她開心說:「見過佢幾次,覺得佢幾好人,好搞笑,好欣賞佢!今次合唱嘅係一首比較慘情嘅歌,希望遲啲可以出快歌,我學緊跳舞,想嘗試唔同路線。」

Profile

三圍:32C、22.5、34

身高:1米62

體重:43kg

興趣:越野賽跑、跳舞、打拳

何敏怡
何敏怡