何止係公主？ 李丞責教你睇埋「太后病」

繽FUN星網節目《玄途有李》由著名堪輿學家李丞責博士與主播嘉琪一齊暢談風水玄學。上集丞丞師傅講到壞女人的面相，今集就會從手掌去睇。

有些女士會被批評有公主病，即是「使人唔使本」，丞丞師傅指：「同無名指相比，如果食指長，無名指短，差距愈大，就唔止係公主，而係太后病，不斷要搵身邊人照顧，相反無名指長過食指，係樂於助人、甘於容忍，但有機會養成另一半惡劣態度，所以最好係兩隻手指並齊。至於中指同手掌比例係八成或以上，係屬於一個唔使做及偏向懶嘅人。如果感情線有雙線並行，即係左右逢源，起島紋就容易出軌，似鎖鏈紋又分晒叉，係極惡劣處理感情嘅女性。」另外，想知道跟另一半會否白頭到老、情投意合，可以合十雙手，然後貼實再攤開，若左右手感情線能連接一起沒有高低，代表兩人一致。

除了手掌，若要看一個女生是否喜歡「收兵」，就要看顴骨：「顴骨係講權力，有好大蘋果肌嘅人，好大機會係收兵嘅人，因為佢好鍾意權力，未必係愛情或欺騙，而係佢鍾意被擁護嘅感覺。」最後丞丞師傅用「牛」字去預測金價走勢，他預計整體來說，金價應該是窄幅向下調整。