何超欣麻省理工雙學位畢業 成四房最強學霸!

何超欣麻省理工雙學位畢業 成四房最強學霸!

已故賭王何鴻燊與四房梁安琪的孻女何超欣現年21歲,從小就得爸爸公開讚「靚到不得了」,本身就讀美國麻省理工學院(MIT)嘅佢,原來上周六(5日)已經正式畢業,更係管理學及建築學理學士學位畢業,比用3年時間完成需讀4年課程嘅哥哥何猷君更叻,成為四房最強學霸!而剛畢業嘅超欣,仲一早考入北京清華大學攻讀碩士課程,成績驕人,更被指係「何家學歷擔當」。

超欣麻省理工雙學位畢業!
超欣麻省理工雙學位畢業!
早年何超欣(左)扮過女團成員,大晒學業以外嘅才華。
早年何超欣(左)扮過女團成員,大晒學業以外嘅才華。
絕對又靚又叻。
絕對又靚又叻。

對於阿女完成美國麻省理工雙學位畢業,更超越哥哥何猷君,四太梁安琪回覆:「各有各,每個仔女有自己興趣讀邊科,自己㨂鍾意讀邊科,小朋友有好成績,當然開心。(將來交甚麽工作給女兒?)佢未讀完,唔同年紀做唔同嘢,工作時就工作。(超欣鍾意讀書好欣慰?)佢不嬲都叻女。」

四太都大讚佢一直都好叻女。
四太都大讚佢一直都好叻女。