何遠東「挑機」ERROR肥仔?苦練浮誇舞技上台載歌載舞

何遠東近日在無綫劇《失憶24小時》中飾演智障人士「肥松」一角,大受觀眾好評,日前他出席活動時,透露他將於8月與香港舞蹈團合作表演跳中國舞,仲話現階段已經成功練到「鶴立雞群」,唔通佢想「挑機」ERROR入面跳舞最耍家嘅「肥仔」(梁業)?

文:東方新地|圖:何遠東、肥仔IG圖片及新傳媒圖片庫

何遠東:要應付好多隻舞

何遠東日前出席活動時,透露自己將於8月與香港舞蹈團合作表演跳中國舞,現階段他已做到「鶴立雞群」,他表示:「預計仲要訓練兩、三個月,到時上台要應付好多隻舞,仲要唱埋歌,好在係同廿幾位專業舞蹈員一齊跳,唔係Solo!」

何遠東「挑機」ERROR肥仔?苦練浮誇舞技上台載歌載舞
近日何遠東在《失憶24小時》中飾演智商只有10歲的「肥松」,他透露自己即將上台表演跳舞,屆時將會有個浮誇造型。
何遠東「挑機」ERROR肥仔?苦練浮誇舞技上台載歌載舞
何遠東笑指自己雖然身形大隻,但手腳上的協調完全無問題,他笑言:「中國舞真係好難,因為好想做到一啲動作,我依家都盡量Keep住自己身體嘅靈活同做多啲運動。」

曾做歌神紅館騷Dancer

原來何遠東當年就讀演藝學院時曾副修舞蹈,學過現代舞和爵士舞,他笑指自己讀跳舞時好高分,更曾擔任過歌神許冠傑(Sam)紅館騷Dancer,他笑言:「我希望大家都知我識跳舞,我咁肥跳舞係好辛苦,我仲係扁平足,要紮住腳跳平衡先好啲,所以更加辛苦!不過我唔忿氣,冇理由剩係瘦仔先跳到舞!」

何遠東「挑機」ERROR肥仔?苦練浮誇舞技上台載歌載舞
2009年「肥仔東」曾經喺歌神許冠傑演唱會中擔任Dancer。
何遠東「挑機」ERROR肥仔?苦練浮誇舞技上台載歌載舞
仲喺台上大晒豬腩肉!

「肥仔」梁業 跳舞起家

男子搞笑組合ERROR隊長「肥仔」亦係一名擅長跳舞嘅肥仔,在2018年他憑藉強勁舞技,包括以頭倒立兼玩Moonwalk等,在第一屆《全民造星》中成功打入十強,並在最後總決賽中取得第四名,雖然最終無緣加入MIRROR,但亦得以與193(郭嘉駿)、Dee(何啟華)及前成員保錡組成ERROR出道。

何遠東「挑機」ERROR肥仔?苦練浮誇舞技上台載歌載舞
體重170多磅的肥仔曾憑強勁舞技打入第一屆《全民造星》第四名,其單飛新歌〈Lady Killa〉亦是一首韓式舞曲。

何遠東勁減80磅

由細肥到大、更因為肥得可愛有喜感拍劇入屋,高峰時期體重超過280磅,何遠東2017年的起心肝為健康減去50磅已經令人刮目相看。點知一場疫情,人人留家食同瞓長肉抗疫,唯獨東東因為太得閒反而走去鑽研減肥,早餐飲韓國ABC果汁、少食澱粉質、每日堅持個半小時運動,再瘦多30磅,勁!

何遠東「挑機」ERROR肥仔?苦練浮誇舞技上台載歌載舞
何遠東透露減肥其一關鍵是每日運動個半鐘,其中一種運動是玩空中瑜伽。瘦版何遠東被陳煒笑指似壓縮版陸浩明,大家又覺得似唔似呢?
何遠東「挑機」ERROR肥仔?苦練浮誇舞技上台載歌載舞
現時「肥仔東」已經瘦咗唔少,他直言減肥純粹為健康:「如果角色要我肥番,我可以再增番肥!」

何遠東 出身演藝學院

何遠東出身演藝學院,2008年加入無綫,2012年在《衝吧!瘦薪兵團》飾演古怪租客「刁兄」,開始為觀眾認識,之後他演出過《衝吧!瘦薪兵團》、《心路GPS》、《巨輪》、《巨輪II》、《舌劍上的公堂》、《忠奸人》、《老表你好hea》、《鬼同你OT》及《來自喵喵星的妳》等多齣劇集,直至他在《心理追兇》中飾演一名一時衝動殺害了自己母親的孝順仔,崩潰的演技成為網民心目中的「最佳男配角」。

2012年《衝吧!瘦薪兵團》爆笑「刁兄」彈起

何遠東「挑機」ERROR肥仔?苦練浮誇舞技上台載歌載舞
何遠東「挑機」ERROR肥仔?苦練浮誇舞技上台載歌載舞

2013年《舌劍上的公堂》扮妾待生仔

何遠東「挑機」ERROR肥仔?苦練浮誇舞技上台載歌載舞
何遠東女人扮相皮光肉滑,唔差得過王祖藍!劇中她假扮女人做于洋侍妾,後來仲神奇懷孕!

2014年《萬千星輝賀台慶》扮棋一族

何遠東「挑機」ERROR肥仔?苦練浮誇舞技上台載歌載舞
雖然同坤哥一齊扮棋,但並冇好似坤哥一樣受人同情,反而被形容為奀星。

2015年《鬼同你OT》「矮肥鈍」成員

何遠東「挑機」ERROR肥仔?苦練浮誇舞技上台載歌載舞
何遠東在《鬼同你OT》中扮演陳豪下屬,和溫家偉、C君並稱「矮肥鈍」。
何遠東「挑機」ERROR肥仔?苦練浮誇舞技上台載歌載舞
何遠東默默耕耘,更說會以鄭則士為目標!

2016年《巨輪2》反串跳舞

何遠東「挑機」ERROR肥仔?苦練浮誇舞技上台載歌載舞
何遠東在巨輪兩季中都飾演田蕊妮弟弟姚浩男,其中有一幕他為證明肥人也可做藝人,所以戴上假髮著上女裝跳舞。

2017年《心理追兇Mind Hunter》崩潰爆喊

何遠東「挑機」ERROR肥仔?苦練浮誇舞技上台載歌載舞
何遠東在劇中不停被阿媽馬海倫壓迫辱罵,失手殺死阿媽後又失憶,獲劇迷激讚好戲!
何遠東「挑機」ERROR肥仔?苦練浮誇舞技上台載歌載舞
在馬國明引導下,何遠東終於記起自己殺母的真相,崩潰痛哭!

2017年《降魔的》催淚演技

何遠東「挑機」ERROR肥仔?苦練浮誇舞技上台載歌載舞
何遠東在《降魔的》中飾演顧家好男人「龍貓」,拼命工作都係為了照顧家人,卻慘被人高空墮樓壓死在的士中,之後在馬國明幫助下他回魂與家人、好友道別,並深情表白說:「我這輩子沒甚麼成就,可大家都還記得我,聊起我,都是歡笑和開心的事,那麼最起碼我也是一個不錯的胖子」感人催淚!
何遠東「挑機」ERROR肥仔?苦練浮誇舞技上台載歌載舞
《降魔的》「龍貓」一角令何遠東入圍無綫「最佳男配角」獎,在劇中的催淚演技深受觀眾激讚,他謙稱自己經驗尚淺,會以鄭則士Kent哥為目標,繼續努力!

延伸閱讀:

馮盈盈出招晒事業線艷壓「死敵」江嘉敏 「破冰」合照網民嗌尷尬

林作「前度」遍天下?被鬧爆為兜生意不斷消費前度 網民:現任要小心