何雁詩勝任賢妻 「良母」Hold住先

新進人妻何雁詩瞞住老公鄭俊弘，前晚Deep V性感上陣出席活動！她自覺婚後變成「賢妻」，經常入廚，但未想太快做「良母」！

歌手何雁詩、李蕙敏、施匡翹、黃翊、麥長青（麥包）、謝高晉、葉振棠等人前晚出席「音樂排行榜頒獎典禮」，何雁詩奪得「鑽石唱作女歌手」及「鑽石矚目人氣偶像」。性感上陣的她中門大開，問到老公鄭俊弘（Fred）批准？她笑言：「佢冇睇過，但因為今次係我今年第1個出席嘅頒獎禮，主題係華麗，所以着呢條。」提到她今年結婚，音樂方面又有好成績，她覺得是豐收，雖然疫情帶來很多變化，但與家人、愛犬留在家反而找到另一份享受。

講到之前奶奶生日，她親自下廚煮大餐，她笑言：「奶奶好開心，大家好齊人慶祝。（婚後想多啲做『煮婦』？）都係，其實結咗婚之後我都覺得自己賢淑咗！之前成日叫外賣，依家會想喺屋企煮飯，又會幫手放狗。」問到何時想做埋「良母」？她就謂：「都同Fred傾過，起碼3至5年後，想做吓嘢先。」

黃翊唔怕人妻

黃翊就表示參加了微電影比賽，邀得好友羅敏莊擔任女主角，談到他之前邀康子妮做MV女主角後即傳緋聞，再與人妻合作會否擔心？他即謂：「我同邊個合作都有機會傳緋聞，請羅敏莊係因為我請過佢一齊唱Live，發現係最多火花、最多人睇，所以就再合作。」

麥包就透露已退股與友人夾份的和牛店：「呢4個幾月就當做義工，都開心學到呢個行業嘅流程。（退股同之前舖頭被淋油有關？）唔關事，我嚟緊工作未必兼顧到，拍戲成日要行出行埋。」