余香凝宣布誕女 爆囡囡同老公十足餅印!

·2 分鐘文章
余香凝宣布誕女 爆囡囡同老公十足餅印!

藝人余香凝(Jennifer)去年10月被東網率先爆出奉子成婚,去到聖誕節終於承認有喜。懷孕期間,Jennifer一直更新社交網,與網友分享佗B孕記。今日(23日)她報喜已誕下囡囡Clare,她在社交網上載小手捉大手的相片,非常溫馨!

她留言:「Welcome home baby Clare。別人說小孩子不能讚,會讚壞,但容許我在這裏讚一讚。要讚讚寶寶最後體重6.5磅,沒有浪費媽媽狂食長胎食物而胖了好多的心血,再讚讚寶寶非常配合,兩母女合作無間,在大家的努力下,剖腹產第三天就上奶了,可以餵母乳餵到飽。」她又感激老公無微不至的照顧,更爆老公捱出雙眼袋!

最後,她寄語囡囡:「寶寶,以後只要你健康開心媽媽就滿足了,這世界沒有東西比你更重要,愛你。」

Jennifer接受東網訪問時表示:「好開心,BB健健康康出咗世喇,之前擔心BB體重,因此生之前檢查得5磅半,出世時有6磅半,真係好開心,之前食咁多長胎食物,真係冇白費!BB似足爸爸,成個餅印咁,BB好靚女,一出世已經有眉毛,最擔心佢似我好少眉毛,女仔有眉毛靚啲,對眼睛好大!」她又大讚女兒聽話及配合。

講到現在升呢做媽媽,心態亦有所轉變,她說:「真係明白咩叫心肝寶貝,佢一喺度喊,自己就好擔心,有一次跟住佢喊,唔知佢係咪有咩唔舒服!好多朋友叫我放鬆啲,話要擔心成世㗎!開始明白媽媽點解以前咁長氣,真係要好好愛錫媽媽!」

好姊妹陳詩欣受訪時笑言:「我心情仲緊張過佢,喺佢入產房前一直陪住佢,同佢影咗好多相,幫佢留低倩影,等佢睇番將來知道做媽媽真係好偉大。BB最似媽媽係佢嘅一對長腿,個樣就未睇清楚,暫時覺得似爸爸多啲。」而廖子妤表示:「未見過BB,因為依家疫情,等BB大過啲先去探佢哋,我送咗孭帶畀佢哋!」