余香凝老公學打牌 唔會做魚腩!

東方日報
·1 分鐘文章
余香凝(前排中)化身財神,返公司派利是。
余香凝(前排中)化身財神,返公司派利是。

升呢人妻的女星余香凝日前出席公司團拜,向廖子妤、Yanny、麥子樂等派雙封利是,佗住B的她表示疫情下減少外出拜年,但習俗會照做,除了與妹妹余潔滢慶生,又陪媽咪打麻雀,今年加埋老公可以湊夠一枱。

她又踢爆老公行「外母政策」學打牌,問是否「魚腩」,在旁的潔滢搶答:「要喺佢老公身上食到胡係好難嘅事!」余香凝哈哈大笑:「佢唔會贏,好謹慎又唔會輸,知道人哋要咩牌就唔打咩!(邊個係大贏家?)通常都係媽咪贏。」