你覺得電競會是 TOM.COM 還是騰訊?(石先生)

中環街市
電競有前途?
電競有前途?

世界從來都是跟紅頂白,早幾年你喺香港同人講科技股可以望下,唔少人會同你講黐線,更可能同你提起當年「科網股股災」嘅史蹟。就算你同人講騰訊仲有得升,個個人都可能答你「好貴啦喎!仲邊有得升呀~」。如果你今日同一個人講返一樣嘅說話,叫人留意科技股,佢或者可以同你逐隻分析,講到專家嘅一樣。

無他嘅,搭順風車點都好過自己喺荒山野嶺搵路行,當人人都覺得科技股好吸引嘅時候,科技股自然就會好吸引。即使幾年前你同人講電競,個個人都同你講「打機呀?無前途嫁!班宅男!」但依家望住誠哥都投資嘅電競公司準備上市,佢已經拿定支票簿出來等簽名抽新股。然後同你講電競有前途,一定掂云云。

既然係咁,呢輪成日講嘅電競到底有無得前途呢?正所謂「工欲善其事,必先利其器」,打機嘅也都一樣,想要打得好,無返啲準確度高、反應快啲裝備又點可以上場殺敵,當 Kingsman 都要有高科技裝備上場殺敵嘅時候,電腦前殺過你死我活嘅,又點可以用 HK$60 一隻 Mouse,梗係要買番隻 HK$600 反應既快、準確度高、仲有得閃下閃下嘅 Mouse 作操控之用。你用呢隻 HK$600 Mouse 來做 Word 或者 Excel 唔會有咩差別,但你試下用隻 HK$60 Mouse 來打機,你就知道點解要俾十倍價錢。

電競到底可以紅幾耐?到底會係 TOM.COM 定係騰訊,有水晶球嘅都未必答到你,更何況係一介草民,但當一個 OL 買張辦公室椅都話要買張電競椅嘅時候,你又覺得呢個新興行業有無睇頭呢?

作者:石先生(科技博客Stone IP

19+精選推介︰

玩命!右手塞入真空瓶 遲一秒就

日本國民情婦 香港真空濕身拍寫真

外國調查:九成老細好介意員工遲到

【最強Marketing】模擬瘋狂老細狂改廣告稿

真人真事 大陸男娶18歲烏克蘭妻後發大達

俄羅斯人咁樣打俄羅斯方塊

關災難又如何? 出事品牌冇影響

【隕石商機】淘寶賣隕石 叫價一千萬

中學雞貪玩掟粉刷 整盲同學

空姐都羨慕?海底撈員工福利曝光

===============

財經精選資訊網站「中環街市」  臉書粉絲頁

其他內容