「佢應該唔會記得!」 菊梓喬自嘲「小人物」 呻吳卓羲冇約慶生

菊梓喬直言吳卓羲沒有約她慶生。
菊梓喬直言吳卓羲沒有約她慶生。

菊梓喬昨日生日,坦言緋聞男友吳卓羲沒有約她,大呻對方很忙,不會記得她這些「小人物」的生日!

歌手菊梓喬(Hana)、周家怡及張寶兒等前晚到將軍澳電視城錄影節目《Sing空下的仁醫》,講到昨日是Hana的35歲生日,她透露會與幾位朋友去露營,但要視乎天氣再決定,問到緋聞男友吳卓羲可有約她?她笑言:「冇喎!(唔開心?)唔會啦!佢成日都唔記得人生日。」自知講錯嘢的她即「補鑊」說:「因為佢好忙,所以都未必記得朋友生日,我呢啲小人物佢應該唔會記得。(提佢?)唔使啦!」

周家怡驚畀湯洛雯鬧

講到生日願望,Hana希望身體健康,問到可想找個男朋友?她說:「唔強求,攰啦!想做嘢衝刺,近排多咗嘢做,都未停過。」講到一眾「聲夢」新星被力捧,她謂樂壇需要有才華的人,開心樂壇百花齊放,亦不覺得他們是勁敵:「勁敵永遠都係自己,唔需要同人比較,每人都唔同,太多比較會唔開心,應該要去欣賞同學習人哋嘅好。」

周家怡表示劇集《星空下的仁醫》大結局後眾演員開直播,期間她大晒「標準」普通話,被大家取笑很「神奇」。講到大結局只有她和馬國明有咀戲,問到可是自己要求?她笑言:「我唔敢,驚畀靚湯(湯洛雯)鬧,劇本係咁去。」

吳卓羲
吳卓羲
周家怡以醫生Look錄影節目。
周家怡以醫生Look錄影節目。