俄烏戰爭|因制裁被連累 6,500位俄國旅客滯留泰國
俄烏戰爭持續,唔少國家都加入制裁俄羅斯行動,連帶唔少俄國旅客都無奈被受牽連,有家歸不得,有錢亦使唔到!
因為戰爭及制裁,好多航空公司都已經取消前往俄羅斯航班,因此有唔少開戰前已於海外渡假嘅俄羅斯人無辦法返屋企,其中泰國係俄羅斯最愛旅遊地之一,據估計目前就有6,500多位俄國人滯留於泰國,分佈於布吉、蘇梅、芭堤雅等城市,而且最慘係由於多間大型銀行都制裁俄羅斯,所以俄國旅客嘅VISA同MASTERCARD都全部失效用唔到,目前要依靠其他支付工具去支付酒店住宿費用。
有唔少酒店為咗應變而向俄國旅客提供比較優惠嘅房價,另外亦引入中國銀聯以作支付平台,希望可以令一眾俄國旅客不至於流落街頭。另一方面其烏克蘭都有旅客因為戰爭導致航班暫停未能返回烏克蘭,不過好彩係依然可以用到信用卡,但長遠而言兩國旅客都必須得到協助呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: