保錡下體脫毛痛到出血

藝人沙律男友保錡於真人騷節目被懲罰要脫體毛，由美容集團老闆兼歌手旨呈親自落手，用蜜蠟逐步搣，痛到保錡大叫，雖然「見紅」，但事後他笑言心情既激動又開心。

保錡早前因「偷食」風波面臨被雪藏，入「雪櫃」前原來已接受了一次大懲罰。昨晚ViuTV真人騷節目《ERROR自肥企画》中，他穿上紫色浴衣出鏡，內裏只穿着紙底褲，躺在美容床上時仍笑容滿面，旨呈先用蜜爉為他脫腋毛，之後來到戲肉，在保錡下體塗上蜜蠟，然後大力一搣，扯出陰毛，保錡痛得大叫，旨呈卻忍不住笑，相映成趣。

旨呈操刀笑到死

由於紙底褲容易移位，故出街片段需要「打格」。對於為男人脫下體毛，旨呈笑言過程笑死，今次為保錡獻上第一次，他說：「身為公司老闆，無啦啦要做脫毛……佢着住條紙底褲好窄，我唔想掂到佢重要部位，但啲蜜蠟黐住手套，冇辦法，要赤手空拳做，脫足一個鐘。」

沙律讚男友夠堅

保錡在節目嗌到聲嘶力竭，但昨日他否認痛到喊：「男人老狗唔喊，玩笨豬跳先喊啦！我都忍到痛，都係想做好節目，香港好少呢啲真人騷節目，係流咗少少血絲。（下次再激啲？）未去到拍AV。（女友沙律有冇詐型？）佢唔知，我拍時自己都唔知！不過嗰陣的確係好激動又開心。」他笑言男人毛髮長得快：「再生毛髮係有啲拮手！」至於沙律表示未看過有關片段，笑言等着看，並讚男友好堅強。