保錡疑係偷食慣犯 舊愛不齒:佢瘋狂道歉

·2 分鐘文章
愈爆愈多…
愈爆愈多…

藝人張沛樂(沙律)被爆戀上《全民造星》出身嘅ERROR成員吳保錡,兩人拍拖睇紅葉合照隨即曝光,沙律亦直認不諱,不過保錡嘅「正印女友」賴嘉賢(Carrie)尋日就出嚟指2人冇講過分手,3角戀變羅生門。

東網收到沙律與保錡睇紅葉合照,令戀情曝光。
東網收到沙律與保錡睇紅葉合照,令戀情曝光。

嬲到爆嘅Carrie今日就公開大爆保錡喺東窗事發後即刻瘋狂道歉,佢向Carrie表示2人存在矛盾多時,諗清楚先決意走人,又投訴融入唔到Carrie生活圈子等,惟火遮眼嘅Carrie態度堅決,揚言唔會原諒。

而羅生門事件更隨時變出N角戰,因Carrie對外晒出網友私訊,多人同時向佢表示保錡疑係「偷食慣犯」,除咗有聲稱係保錡嘅舊愛留言狂鬧保錡多次想約出嚟開房,又有網民晒出同保錡想約見面嘅對話截圖,更聲稱係保錡鄰居指見過佢帶個唔似Carrie嘅女仔返屋企等。

Carrie指「被分手」後,公開與保錡對話截圖。
Carrie指「被分手」後,公開與保錡對話截圖。

Carrie續公開與保錡嘅對話截圖,除暱稱保錡做「肥肥」,更證明2人最後對話係去年11月26日。

而Carrie其後又喺社交網發文,再度暗示有人一腳踏兩船,更指依家同男方冇關係,作出呢次回應後,就唔會再講:「不論我們感情如何,只是希望他知道變心都要完結上1段感情,才正式開始下1段,清清楚楚。因為若然他清楚跟我完結了,也不需要有這一兩天的新聞。因為起碼溝通,我也接受了。但如今我跟他沒有任何關係了,我也釋懷了,我不想因為這些事才出現在娛樂新聞,我想好像平時一樣努力做我的幕前工作。」

Carrie指最後一次發文回應。
Carrie指最後一次發文回應。