保錡被嘲似八両金 狂爆粗鬧網友

東方日報
·2 分鐘文章

組合ERROR成員吳保錡與張沛樂(沙律)拍拖以來,是非新聞冇停過。前晚他與女友於社交網開直播,跟網友互動,怎料男方被網友指玩弄感情及似「少年版八両金」,即激動得連環爆粗,女友亦忍不住在旁聲援,用行動力撐男友!

保錡與沙律被爆拍拖短短1個月,已經是非多多,繼男方前正印賴嘉賢殺出,指未分手及對方處理感情有問題,他又連環被爆與多位女士調情。不過沙律相信男友,咬緊牙關一齊走下去,更不時在社交網放閃,懶理閒言閒言!

質疑玩弄感情

飽受網友批評的保錡,前晚與女友在社交網開直播,邊播新歌MV邊與網友互動。直播開始時,有網友質疑他玩弄感情,他即爆粗說:「真係好Ⅹ好笑,Keep住拍拖就係咁咩?」身旁的沙律為男友聲援:「佢哋(網友)活喺自己嘅幻想世界,咁呢個世界上阿爸阿媽都係咁囉。」之後又勸男友:「算啦!算啦!」

另有網友指保錡貌似八両金,他最為激動,雖自稱冷靜,但卻以機關槍式粗口連珠炮發反擊,指網友不懂尊重別人:「知唔知八両金乜Ⅹ嘢樣?我見到你個Icon,睇唔Ⅹ到個樣,覺得你個樣好Ⅹ似八両金!你同八両金一樣呀,有眼耳口鼻呀,你有冇尊重過我呀?八両金,我都未話你唔Ⅹ尊重我!」最後被問有否因感情事被公司照肺,他語帶輕佻說:「返學咩?你返學畀老師話就有可能!」

懶理被指粗鄙

雖然期間有網友留言指他粗口橫飛、言語粗鄙,但他一於懶理,繼續發火鬧爆:「粗幼都唔關你事啦……又冇你份!」昨日本報向沙律了解事件,她說:「唔回應了,謝謝。」而保錡經理人花姐至截稿前未有回覆。