一個「乾」字 踢爆內地記者扮台灣人拍片論政

19+

台灣出年1月大選,但係台灣嘅選舉又點止關台灣人事?

 

Fake news係一種選戰武器,而台灣法務部調查局就成立「假訊息防制中心」應對。

日前呢個中心就踢爆,

一個名為「玉山腳下」嘅facebook page,

表面係台灣網友拍片論政,原來版主係中國中央人民廣播電台記者。

是咁的,呢個page之前出咗條片,

主持人張希達話蔡英文係中國大陸卧底,批評佢賣台俾日本。

由於張希達國語口音乍聽似台灣人,講嘢又會攝2句台語喺入面,

聽落真係冇咩破綻。

 

但係!有條影片上面嘅配字,將「芒果乾」誤植為「芒果幹」,

而「乾」同「幹」係繁簡轉換(簡體「乾」字為「干」)常見出錯,

心水清網友一睇就知有「景轟」。

法務部補充,張希達製作嘅影片微博一樣有得睇,

又話佢對兩岸立場觀點偏頗,仲強調武力統一台灣。

法務部話會全力偵緝假訊息,又呼籲民眾未經查證唔好亂咁轉發訊息。

 

咦,咁易俾人起到底捉到路?會唔會係放個氣球出嚟試下反應先?

去片

原文傳送門

你可能還想看