做實驗釀「爆炸」 劉穎鏇被玩足3粒鐘

東方日報
·1 分鐘文章

前晚播出的無綫節目《大整蠱》,安排劉穎鏇(Tiffany)拍攝新一輯《學是學非》,她準時化好妝後被攔住做訪問,到場後被導演詐型指她遲到,又臨時改對白,要她背冗長的化學名詞,以致連番NG!她喊咁口說:「大家都知我唔識中文,需要時間去背,點解講到我好冇用咁呢!」又自責拖累大家:「不如我呢一集唔好拍,我有努力去做,但就將責任推晒畀我。」

工作人員氹她繼續拍攝,原來還有「終極大整蠱」,她倒化學物品做「爆炸」實驗,豈料變成「大爆炸」,混亂間陳詩欣稱撞傷頭流血,她一臉疑惑說:「點解會咁勁o架!」其後知道被整蠱才笑番。昨日她受訪時說:「節目出街15分鐘,但我就畀人玩咗3個鐘,最委屈係導演改對白,我好努力去翻譯去背,但都做唔好,令到我好崩潰!差啲喊係唔想人覺得我唔專業、唔認真去做。」