【健康talk】罐頭含防腐劑高鹽高油？三招教你揀得更健康

【星島日報報道】抗疫期間不少市民留家煮食，方便的罐頭也成為家中必備。不少人認為罐頭含大量防腐劑、高鹽高油，非常不健康，但其實只要破解以下幾個迷思，識揀一樣可以對身體有益。

罐頭含防腐劑？

罐頭保存期耐，不少人認為一定加入了大量防腐劑。但其實罐頭利用的是真空原理，絕大部分食物經過高溫殺菌，再真空存放，可以長時間保存。反而揀罐頭時應留意的是表面有無破裂、漲氣或漏氣，一旦罐頭不密封，空氣走入就會令食物變壞。

罐頭無營養？

高溫會破壞部份水溶性維他命，例如維他命C，但大部分但礦物質和脂溶性維他命都不會流失。而魚類罐頭如沙甸魚、吞拿魚營養反而更多，因魚骨經處理後可以直接食用，吸取鈣質，一般一條沙甸魚已等同三分一杯牛奶的鈣質含量。但不同牌子因製作方法不同，營養成分可以有很大差異，因此選購時應比較不同牌子的營養標籤和參考消委會調查結果。

罐頭高鹽高油？

罐頭食物的確會加入大量調味料和醬汁醃製，購買時要按自己身體狀況選擇，例如老人家不應揀高鹽高鈉的罐頭。另外可首選用「礦泉水浸」罐頭，較用「鹽水」罐頭鈉含量低，也不會似「油浸」罐頭脂肪高。而水果罐頭則可選用「原汁」浸製，相對糖份較低。另外要留意食用時不應飲用醬汁，例如茄汁焗豆就最好「隔汁」食用。

睇更多