健達人:戴祖儀日日跳繩 1星期勁減3kg

·1 分鐘文章
戴祖儀自有一套減肥方法,唔怪得之咁Fit啦!
戴祖儀自有一套減肥方法,唔怪得之咁Fit啦!

歌手戴祖儀(Joey)身形高挑,再加上是運動狂熱份子,所以與肥胖兩字根本大纜都扯唔埋,不過她認為減肥是不少女士的終身事業,即使身體零脂肪,也不會放肆進食。她有一套減肥Schedule:「減肥時第一件事係戒甜,同埋一定唔可以食澱粉質,每日計住食幾多,極端時我唔會超過一千卡路里,不過通常我對自己好好,唔到最後關頭都唔會咁做,仲有6點後盡量唔食。」

除了飲食,Joey亦有於運動方面下苦功:「每日跳10分鐘繩,每Set跳150下先停一停,我用電子繩好方便,唔使數住跳咗幾多,加上本身我跳得比較高,會令運動量大啲,變相排汗量都會好高,睇落個人都冇咁腫,Keep住每日咁跳,大約2千下先叫完成,都會瘦好多,好快可以減到肥,1星期減到3kg,當然每個人體質唔同,好似我肥同瘦都好快,所以好易達標。」

戴祖儀勤做運動,絕不偷懶!
戴祖儀勤做運動,絕不偷懶!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能