健達人:蔣家旻晚晚米粉 食極唔肥

·1 分鐘文章
蔣家旻每周做1、2日健身,修靚線條及操肌。
蔣家旻每周做1、2日健身,修靚線條及操肌。

「御用細妹」蔣家旻身形細細粒加上瘦削,根本無需為減磅煩惱,但女人愛靚唔愛命,她亦非常緊張體形,向來靠跑步保持身段,但由於每次跑完便喪食,結果2個月間愈跑愈肥,直至4年前終的起心肝到健身室請教練幫忙,她說:「每次都會測體脂,我唔多脂肪,只係冇乜肌肉,教練叫我食多啲雞胸。」

對於近年興起的「168斷食」減肥法,蔣家旻從未試過,因有一套獨門餐單:「夜晚我淨係食米粉,午餐食飯,麵包唔戒。有時早起身工作,12點前就食晒兩餐,盡量多菜少肉。如果夜晚冇胃口,直頭米粉都唔食,以我嘅體形,Keep住食米粉真係唔會肥!如果有活動要着晚裝,前一晚7點後就唔食嘢,第二日靠食黑朱古力頂住。」

現時她每星期做1、2日健身,每次1小時,主要操背部線條,笑言操練後覺得肌肉疼痛,所以認為有效。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能