偶像冇到照撐場 姜糖逼爆首映禮 姜濤:謝謝你們

姜濤現時停工,未能配合電影宣傳。
姜濤現時停工,未能配合電影宣傳。

男團MIRROR成員姜濤及Jer主演的英皇新片前晚舉行首映禮,2人雖未有現身,但無損粉絲熱情,逼爆商場力撐偶像,姜濤亦於社交網發文感謝大家支持!

由姜濤與Jer主演的英皇電影《阿媽有咗第二個》前晚於銅鑼灣舉行首映禮,雖然兩位主角繼續停工,但姜濤歌迷會依然號召粉絲到場支持。粉絲擠滿商場3層,「姜糖」更拿着燈牌大叫偶像戲中角色名字。而姜濤隔空收到粉絲心意,即於社交網轉發後援會拍下的現場片段,並留言:「謝謝你們,辛苦了。」

戲中飾演「Jer媽」的影后毛舜筠,談到與姜濤與Jer的感情,她表示:「當初導演睇中姜濤,嗰時我仲唔知佢係邊個,後來睇番佢參賽時嘅表現,覺得呢個人非常之吸引,搞到我都好鍾意佢。後來我有參與試鏡揀蟀,最終選出同樣好有魅力嘅Jer。」

陳偉霆榮幸同家輝鬥戲

前晚亦是銅鑼灣英皇戲院開幕,陳偉霆(William)、任達華與衛詩雅以嘉賓身份撐場。已有近10年沒在港工作的William,現於香港忙拍新片《爆裂點》,他坦言因疫情關係,已兩年多沒返港。在內地片酬分分鐘以千萬計的他,被問是否滿意今次酬勞?他說:「返嚟完全唔講片酬,能夠演出呢套戲係我嘅榮幸,尤其同家輝哥(張家輝)首次合作兼有大量對手戲,過兩日我哋會對打。(唔收片酬都得?)係。(拍得辛苦?)唔會,一早有晒心理準備,我仲喺北京考咗個槍牌先返嚟,呢套戲有關槍械鏡頭比較多。」

他透露待電影10月煞科後,會趕返北京還廣告債。一向孝順的他坦言不捨母親,問到可有被催婚?早前與內地名模何穗傳緋聞的他笑言:「冇喎,阿媽淨係想我專心工作。」

「姜糖」遍布商場每個角落。
「姜糖」遍布商場每個角落。
《阿》片導演彭秀慧(左)與毛舜筠讚姜濤演技出色。
《阿》片導演彭秀慧(左)與毛舜筠讚姜濤演技出色。
楊受成(左)與陳偉霆為戲院主持開幕儀式。
楊受成(左)與陳偉霆為戲院主持開幕儀式。