傅珮嘉台式餐廳被爆竊失2萬現金 發文感嘆無奈:是逆境中努力賺的錢

傅珮嘉

傅珮嘉(Maggie)與台籍丈夫經營嘅台式餐廳荃灣分店日前被爆竊,店員噚日(30日)上班時發現店內收銀機及夾萬被撬開,失竊約2萬元現金;警方到場翻看閉路電視錄影片段調查事件,懷疑賊人用硬物打破後門玻璃窗,伸手入內開鎖再掠走夾萬內現金。

傅珮嘉於社文平台分享指,灣仔及荃灣兩間店舖嘅營業額僅能應付交租及日常開支,加上第五波疫情爆發,餐廳已忍痛調配人手削減開支,以為再堅持一下就會撐過去,對今次爆竊事件感到無奈:「有些人可能覺得兩萬元不算多,但卻是大家在逆境中付出努力賺取的金錢。」,又指從CCTV中估計爆竊者為40至50歲左右嘅中年男子,由於店內有毀壞破損所以必須報警處理,但就認為追溯機會唔大。

感到無奈之際,傅珮嘉就表示可能該男子係出於經濟拮据,迫不得已先會咁做:「如果這兩萬元可以幫到他,倒是轉念期望能夠暫時解決他的問題。」不過,佢就希望同類型事件唔好再發生,疫情可以早日結束。吳若希留言表示:「喜歡你的善良」,而一班網民亦留言叫傅珮嘉努力撐住:「加油!!!見到你仍然有寬恕人嘅心好感動!!」、「重開後過來支持,真心好味道,加油喔」、「Support,喺呢個逆境下,心存良善,非常欣賞你」、「最緊要人冇事,加油」等等。

傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉
傅珮嘉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!