催淚! PPAP原唱大叔 為病重小fans打氣圓夢

19+

 

2年前嘅網路神曲PPAP(pen pineapple apple pen),

雖然過咗咁耐,點都記得點唱啩。

 

原唱嘅Piko太郎,成日著住豹紋衫出場,造型騎呢,

查實佢係個有心人。

 

早幾日,Piko太郎就喺自己個blog度講咗一件好有洋蔥嘅故事。

 

今年4月,Piko太郎認識到一位3歲小fans愛莉。

愛莉因為患病,經常出入醫院,要接受手術同無數療程,

仲因此脫髮。

 

Piko太郎被愛莉嘅經歷打動,決定私下探訪呢位fans,

為佢打打氣。

而愛莉知道會同偶像見面,都有做足功課架!

就係打扮成Piko太郎咁,太陽眼鏡、animal print歌衫齊晒,仲帶埋假髮,好認真。

二人一見面就梗係整返part PPAP先啦,

high爆嘅愛莉對Piko嘅歌瞭如指掌,連舞步都跟足先犀利!

就係咁唱下跳下,一大一細玩到成身汗。

 

之後,愛莉媽媽希望Piko太郎幫即將要接受手術嘅愛女打氣,

不過當Piko太郎叫愛莉「要打敗身體入面嘅壞蛋」,

小女孩突然變得好憂傷,Piko只好叫佢盡力,

仲話會send多啲片俾佢睇,又叫愛莉要應承佢下次再見面。

 

Piko太郎覺得,愛莉一定會好返。

可惜愛莉情況無乜好轉,Piko太郎亦覺得唔好阻佢休息,

唯有寫信同send自拍片隔空打氣。

 

9月27日,愛莉3年嘅人生,就此完結。

而2年前呢一日,Justin Bieber share PPAP嘅MV,令呢首歌全球大熱。

 

呢日,Piko太郎喺西班牙出席簽名會,

收到一位小女孩fans送上佢最愛嘅羊駝公仔。

咁啱,呢個西班牙女仔叫Airi,同「愛莉」同音。呢個名,喺當地並唔普遍。

Piko太郎相信,呢個公仔,係愛莉送俾佢。

 

喺記載呢件事嘅blog,Piko太郎寫道

「我只會唱奇怪的歌,但請你為我欣喜躍動。晚安,遲點見」

原post傳送門

【相關搜尋】Piko太郎有型舊照

其他內容