傳《大叔的愛》首集收視破ViuTV記錄 AnsonLo浴室壁咚Edan睇到網民心跳加速

《大叔的愛》截圖
《大叔的愛》截圖

ViuTV劇集港版《大叔的愛》搵嚟MIRROR成員Edan、Anson Lo同黃德斌飾演3大男主角,劇集未出街已經引嚟唔少網民期待同熱烈討論,劇集喺前晚開始出街,只係播出兩日就已經好評如潮,噚晚更有報道指《大叔的愛》刷新ViuTV開播5年最高收視紀錄,首集收視創下8.7點(約57萬人),掀起追劇熱潮,真係可喜可賀呀!

《大叔的愛》劇情緊湊又搞笑,睇到觀眾和網民非常投入。喺第一集劇情已經交代阿田(Edan飾)與阿牧(Anson Lo飾)同居、上司KK(黃德斌飾)被阿田發現手機有大量偷拍佢嘅相片及KK向阿田表白大叫「田田,I love you!」

《大叔的愛》截圖
《大叔的愛》截圖

噚晚第二集,劇情繼續衝擊觀眾眼球,講到阿田被告白後內心忐忑不安,而KK就同老婆(簡慕華飾)放緊假,不過一聽到阿田做錯嘢就即刻取消餘下行程,返公司幫手。樓盤展銷會當日,阿田見到KK身後嘅棚架倒塌,於是奮不顧身拯救,被壓倒受傷送院檢查。擔心又內疚嘅KK哭成淚人,仲忍不住攬住阿田,不過就被阿牧睇到。之後,阿牧喺阿田沖涼時,忍唔住衝入去浴室壁咚佢同表白,之後仲強吻阿田。曖昧說話睇到網民心跳加速,紛紛留言大讚話好正,:「睇到同個女一齊尖叫」、「我個心臟頂唔緊呀」、「睇到紅都面晒 但我loop咗好多次」、「浴室呢幕真是笑爆嘴」、「睇到心跳加速。。點訓呀」及「救命呀!實在太正~」等等。

《大叔的愛》截圖
《大叔的愛》截圖
《大叔的愛》截圖
《大叔的愛》截圖
《大叔的愛》截圖
《大叔的愛》截圖
《大叔的愛》截圖
《大叔的愛》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!