傳撻着陳家樂 黃嘉雯向男友「自首」

·1 分鐘文章
黃嘉雯悉心打扮,幫手招募港姐。
黃嘉雯悉心打扮,幫手招募港姐。

前港姐冠軍黃嘉雯昨日出席新一屆港姐全球招募記者會,有傳陳家樂近日背女友連詩雅與她秘密撻着,她受訪時說:「成件事好無稽,同佢私下都冇聯絡。(有冇出過街?)絕對冇,都係工作先見到。我本身有男朋友,諗呢件事嘅人想像力太豐富。(男友有冇問你?)冇!佢都唔識睇中文,不過有主動同佢講,佢話呢行成日都會有呢啲嘢。」

提到其姊早前涉嫌虐貓被捕,講到家姐情況,黃嘉雯說:「依家進入咗司法程序,唔方便講咁多。(連累你畀網民鬧爆?)明白佢哋嘅擔心、用心,我OK嘅。有少少唔開心,希望事件快啲告一段落。」