傳秘撻吳浩康︱郭思琳公開追前度債 涉款7位數字!

傳秘撻吳浩康︱郭思琳公開追前度債 涉款7位數字!
傳秘撻吳浩康︱郭思琳公開追前度債 涉款7位數字!

歌手吳浩康(Deep)早前被傳搭上33C「格鬥女神」郭思琳,未幾即爆出女方另有一位拍拖多年的男友Chester Chan,疑一腳踏兩船,但郭思琳即澄清兼劃清界線指已回復單身。

不過事件有新進展,郭思琳透過社交平台發長文向前度追債,表示:「畀佢拖咗我四年半感情,我不再接受佢一拖再拖,佢就扮慘,之後成日已讀不回…我幫佢諗埋辦法還錢,佢竟然話會增加佢經濟負擔唔肯還…難道我無經濟壓力咩?點解佢嘅問題要我呢個女人仔去幫佢承擔?當初邊個主動承諾會六月底還錢?邊個懶型喺人地面前大大聲話會出面借錢還我條數?依家呢?一毛錢都無還過喎…承諾?拜託唔好再用呢招啦。」她還表示事件令她感到相當無奈,這幾個月來精神壓力很大導致失眠,更出現壓力瘡和濕疹。

東網聯絡上郭思琳問到有關公開追債一事,以及與吳浩康是否拍拖,她表示:「數目有七位數,爭我錢嗰個係已經分開咗一段時間嘅前度。我經濟獨立,亦有儲錢,唔需要Deep(吳浩康)經濟上嘅幫忙。我同Deep有見面,其他嘢唔多講喇,我依家淨係想追番我真金白銀借出去嘅錢。」

問到會否向前度採取法律行動?她表示:「暫時還在考慮當中,我唔係一個絕情嘅人,盡量都想好來好去,但因為ex已違約及多次反口,追佢錢又已讀不回,無奈下惟有公開追數。因為投資以太幣,佢死都唔肯比番啲coins我,係佢自己主動承諾喺六月底前佢會畀番以太幣最高嘅價位我,即係4千幾,所以條數先變到咁多。」再追問現時是否單身及可會考慮跟Deep發展?她表示:「依家淨係想快快脆搞掂咗啲錢先,如果唔係啲想做乜都做唔到…。」

郭思琳公開追債!
郭思琳公開追債!
郭思琳指前度拖欠7位數字金額。
郭思琳指前度拖欠7位數字金額。
郭思琳表示與Deep有聯絡。
郭思琳表示與Deep有聯絡。