傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

28歲的藝人魏焌皓今年4月突然離開TVB,有傳係魏焌皓被指拍攝《使2》期間對同劇麥明詩犯了不當行為,疑似在劇外「強吻」女方,消息傳出後,引起網民熱烈討論!查實娛樂圈不時都會出現一啲疑似鹹豬手事件,以下列出八大事件同大家重溫一下啦!

撰文:東方新地│圖片:新傳媒圖片、魏焌IG|編輯:heitung@central

延伸閱讀:

2018母親節5間酒店自助餐推介!任食生蠔龍蝦+士多啤梨下午茶

親子好去處 一家三口二百蚊留港hea宿營

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

今年28歲的藝人魏焌皓,於2009年在無綫藝人訓練班畢業,其後亦參演過不少劇集,直至12年的《On Call 36小時》中飾演馬國明的細佬「張一康」一角後,漸漸為人認識。之後佢喺《不懂撒嬌的女人》和《使徒行者2》亦有不俗演出。

鹹豬手
魏焌皓拍《不懂撒嬌的女人》開始更為人認知,但近日傳佢疑鹹豬嘴麥明詩被TVB解約 ,真相係點不得而知,小編為大家盤點香港娛圈十大鹹豬手事件!

《使徒行者2》中,魏焌皓扮演由忠變奸的黑警朱志彬,劇中更槍殺心愛的戀人麥明詩,形象因而更為入屋。

平時睇落魏焌皓似係一名斯文瘦底排骨仔,但事實上他亦有經常操肌,一身健碩肌肉,係個不折不扣的大隻仔,更被封為「羅仲謙2號」!
平時睇落魏焌皓似係一名斯文瘦底排骨仔,但事實上他亦有經常操肌,一身健碩肌肉,係個不折不扣的大隻仔,更被封為「羅仲謙2號」!

魏焌皓疑鹹豬嘴女星…

魏焌皓靚仔又大隻,早前在《使徒行者2》中扮演黑警朱志彬入型入格,外界都以為佢可以逐漸上位,但原來佢四月已離開TVB!原因係魏焌皓被指拍攝《使2》期間對同劇麥明詩犯了不當行為,疑似在劇外「強吻」女方!魏焌皓對事件堅稱「一定冇!」,並表示對指控「一頭霧水」。

當事人麥明詩回傳媒時,表示要等魏焌皓回應後,自己先會回應… 呢個回應令事件更耐人尋味。

魏焌皓飾演的黑警朱志彬,與麥明詩在戲中飾演一對情侶。
魏焌皓飾演的黑警朱志彬,與麥明詩在戲中飾演一對情侶。
唔通喺劇集中咀唔夠,之後…
唔通喺劇集中咀唔夠,之後…

魏焌皓本來有份演出同樣有麥明詩的《是咁的,法官閣下》,但現時其角色已被抽起,最後還被TVB解約…

魏焌皓本有望上位,但即將在TVB踏入第十個年頭的魏焌皓,今年4月突然離開TVB,原因有傳佢因對女藝人犯上不當行為而被TVB解約…
魏焌皓本有望上位,但即將在TVB踏入第十個年頭的魏焌皓,今年4月突然離開TVB,原因有傳佢因對女藝人犯上不當行為而被TVB解約…

查實娛樂圈不時都會出現一啲疑似鹹豬手事件,以下列出八大事件同大家重溫一下啦!

TVB魔術男咸豬手事件

08年底,苑瓊丹喺港台節目《瘋SHOW快活人》大爆TVB有男藝員借變魔術為名揩油。當時苑瓊丹列出線索:高過黃宗澤(即是180cm)、斯文靚仔、識煮幾味、常拍旅遊節目、鍾意玩魔術、曾同女藝人秘密拍拖,而傳媒同網民猜測最大嫌疑人係蔡子健。由於事件愈鬧愈大,無綫電視其後更安排苑瓊丹接受《東張西望》訪問,苑瓊丹承認曾與樂易玲小姐見面,並就此事向公眾交待清楚。

對於連日來被追問誰是「魔術鹹豬手」,苑瓊丹就話:「我絕對唔會講人名,花邊新聞的原則是開心、唔講名,以降低殺傷力。當日我在節目中提到嘅特徵,有真有假,我唔會回應哪些是真、哪些是假,希望對當事人有警剔作用,我已盡量幫忙。」佢又重申沒有講過「魔術鹹豬手」是無綫藝人,她只是形容對方是「不活躍的男藝人」,「我做電台節目只想給聽眾娛樂增值,唔想掀起風波」。有指「魔術鹹豬手」事件令多位身高逾180cm的男藝人受牽連,苑瓊丹笑說:「他們錯在生得高大、靚仔、威猛又太出名。表現看事件是壞事,但也證明他們有市場價值,無論如何,要是因為事件而添煩擾,我向他們Say Sorry,以後見到我也不要掉頭走。」……最後事件不了了之。

官恩娜爆有男藝人借醉行兇

09年初,官恩娜被傳媒問到有冇聽聞過「魔術咸豬手」一事,結果ELLA忽然自爆出埠拍TVB劇時,有女藝人同佢訴苦,話有同行男藝員飯後借醉上下其手。

事件曝光後,曾與官恩娜合拍電視劇《酒店風雲》的藝員當中包括馬德鐘、郭政鴻、郭可盈、吳卓羲、姚子羚等紛紛被列為嫌疑及受害人物,搞到人心惶惶。同時有網民猜測係拍劇集《酒店風雲》期間,而嫌疑人為郭政鴻,受害者係周家怡,但周家怡否認有其事,而郭政鴻嬲爆話要出律師信…

TVB高層對此事大為震怒,召見官恩娜,無綫製作資源部總監樂易玲命令官恩娜封口,最後結局係,官恩娜為事件道歉及認錯,於2009年2月10日她透過無綫向各大傳媒發放聲明,坦誠向受影響的藝人道歉,並多謝無綫的體諒及支持!

李志剛、AOA雪炫

港台DJ李志剛在「第六屆香港亞洲流行音樂節」喺台上無厘頭向表演嘉賓韓國女團AOA成員雪炫擁抱,又無端端伸腳疑似觸碰雪炫下體,李志剛回應時話喺台上透過翻譯問過雪炫,而對方都曾經點頭,故並非強行抽水。李志剛又話「希望fans唔好唔開心」,同時又話「我自己就好開心」。

馬德鐘、陳浩民、陳嘉恆

19歲陳嘉桓(Rose)在內地橫店拍攝王晶電影《笑功震武林》期間,本刊拍得同洪天明、馬德鐘、陳浩民一眾台前幕後宵夜期間,陳浩民對陳嘉桓強吻及施龍爪手,之後到馬德鐘就攬住陳嘉桓。

事後陳嘉桓素顏開記招兼報警,陳浩民初時自稱「好客」,後來陳浩民在大肚妻蔣麗莎陪同下開記招,陳浩民流淚道歉。而馬德鐘就指自己當時係安慰陳嘉桓並不是抽水,但亦被各界指責佢當時對陳浩民的行為竟視若無睹,未有施以緩手。

楊思琦被熊抱

06年,楊思琦在金鐘擔任模特兒行騷,為了賺錢供樓的她穿上低胸透視裝並露黑 bra,品牌的國際副總裁 Steve Holt在台上對思琦虎視眈眈,更當眾又攬又錫,為保飯碗的思琦只能尷尬苦笑,完全沒有反抗餘地,好慘!

李子奇、劉錦玲

拍劇出事嘅仲有呢單,02年劉錦玲拍《絕世好爸》一場分手戲,講佢要畀李子奇掟落梳化,有傳當時劉錦玲問李子奇係咪錯手掂到佢個胸,但對方可能覺得被屈博懵非禮,鬧喊劉錦玲。不過李子奇喺09年話5年後劉錦玲已幫佢平反,而劉錦玲早已轉職做咗保險。

尹天照、王秀琳

04年,亞視劇集《我和殭屍有個約會3永恆國度》,有份參演嘅尹天照、陳寶轅、王秀琳等演員在8月飯聚,而王秀琳9月開記招指當日飯局後坐尹天照車返屋企,被尹天照拖手、強吻兼伸手入衫,報警求助。尹天照堅稱無辜,並且不介意同佢對質,最終亦無畀警方起訴,事件不了了之。

{“IPTC-DATA”:”NMG”,”data”:{“photoID”:2173349}}
{“IPTC-DATA”:”NMG”,”data”:{“photoID”:2173349}}

海俊傑、劉綽琪、吳亭欣

06年,海俊傑拍亞視劇《義無反顧》期間,被劉綽琪指喺片場播四仔,又被劉綽琪及吳亭欣指強姦戲太逼真,留下心理陰影。海俊傑就質疑劉綽琪點解唔報警,暗串對方博宣傳。

 

 

延伸閱讀:

【兒童高危】本港確診麻疹個案 症狀像感冒 潛伏期可長達21天