僅2%移台港人取得身份證 有人稱當局「技術性拖延」

香港近年興起移民潮，唔少人都選擇去台灣，不過，有傳媒報導，雖然有95%嘅移台港人獲得居留證，但近三年只有2%人取得身份證，有人話台灣當局「技術性拖延」。 根據台灣嘅港澳條例，只要住滿一年就可以申請身份證，而投資移民就要經營實體公司三年，但有移台港人就話，期滿之後，當局又要求考專業證件，又要補充文件，實際係技術性拖延。 有移民顧問就話，因為有申請人曾經喺內地資金公司打工，被認定有國安疑慮，又會要求補交未來一年公司財務文件，即係變相要等多一年。