「兒歌醫生」陳以誠復出樂壇 孖蓋世寶出新歌教大家預防新冠病毒

有「兒歌醫生」之稱嘅兒科專科醫生陳以誠，多年嚟推出過唔少關於健康嘅兒歌，好似2002年滅蚊運動嘅滅蟲週記、2003年SARS時嘅《眾志成城抗肺炎》、2006年嘅《超級流感》及提醒大家每日要行8千步嘅《八千步》等等，當年歌曲陪住唔少小朋友成長，係80同90後嘅集體回憶。

今次新型冠狀病毒搞到人心惶惶，佢決定開金口復出樂壇，仲搵嚟蓋世寶（LuLu姐姐）合作出新歌《擊退病毒》，教一眾小朋友點樣預防新型冠狀病毒。今次將《超級流感》重新編曲及填詞，例如提大家要用廿秒洗手，去完廁所沖廁要蓋上廁所板，又有提到經濟問題等等，好有教育意義。

唔少網民聽完都紛紛話：「被醫療業耽誤的歌手」、「 終於等到陳以誠醫生啦！」、「陳以誠醫生終於出山 當年首非典型肺炎仲歷歷在目」、「嘩！好耐無聽過尼（呢）種咁Hk style既兒歌， 係回憶！係愛啊！」、「好耐冇見到蓋世寶唱兒歌喇」，更有網民提議可以featuring尹光。

有興趣聽《擊退病毒》嘅話，可以click下面條link：

https://www.youtube.com/watch?v=3L2APRwKmTQ