雅虎香港新聞 【自助餐優惠2021】8間酒店小童免費食Buffet 港島五星酒店免費帶2位小童？
最近疫情放緩，一家大細出街食飯或去Staycation，住得精明外，不少酒店都有提供小童免費自助餐的優惠，讓家長們食客可以帶同小朋友一同用餐！今次精選了8間小童都可免費食Buffet的酒店，其中部份酒店更可以免費帶12歲以下的小朋友？
按此下載全新Yahoo APP，送你價值$468優雅月季花蛋糕，同媽媽過一個甜蜜母親節，立即下載！
1. 君悅酒店 任食生蠔＋蟹腳！
君悅酒店茶園的自助晚餐，可以任食生蠔、蟹腳、翡翠螺等海鮮，每人仲送一隻龍蝦，可以自選烹調方式！另外還有鵝肝、威靈頓牛扒、煙鱒魚等美食，種類夠多，而小童優惠是5歲或以下小朋友免費，6至11歲小朋友則半價。
君悅酒店
地址：港灣道一號
價錢：
- 自助午餐：星期一至五每位成人$458，星期六每位成人$488
- 自助晚餐：星期一至四 成人$728，星期五至日及公眾假期 成人$758
2. 港島香格里拉大酒店 住客食Buffet包兩位兒童免費！
大家入住港島香格里拉酒店時，可留意酒店Cafe Too Buffet優惠，酒店設有兒童餐飲計兒童餐飲計劃，凡已登記入酒店的賓客，可在每位付費成人陪同下，最多兩名6歲或以下兒童可於全日餐廳免費享用自助餐，如果剛好是兩大兩細的家庭就幾抵食！
港島香格里拉大酒店
地址：香港中區法院道太古廣場
價錢：
- 自助晚餐：星期一至四 成人$668，星期五至日及公眾假期 成人$698
- 凡已登記入酒店的賓客，最多兩名6歲或以下兒童可於全日餐廳免費享用自助餐
3. 尖沙咀凱悅酒店 85折任食！
尖沙咀凱悅酒店自助餐可以任食凍海鮮、刺身、即製天婦羅、即煎鐵板燒等，評價一直都不錯，留意依家在Openrice 訂座仲有85折優惠！而每位成人可以免費帶一位5歲或以下小童入座，交通又夠方便，適合放假一家大細去！
尖沙咀凱悅酒店
地址：九龍尖沙咀河內道 18 號
價錢：
- 自助午餐星期一至四 成人$338，星期五至日及公眾假期 成人$408
- 自助晚餐 星期一至四 成人$668，星期五至日及公眾假期 成人 $728
4. 香港W酒店 預訂7折優惠！
依家好抵食！香港W酒店的Kitchen 周六日的中午自助餐一直都極受歡迎，選擇多之外，環境舒服！最抵買要去酒店eshop預訂，自助餐即可獲得7折優惠，大約4百多元就食到Buffet，由即日至5月31日，酒店Buffet更以「肉食市集」為主題，大家可以品嚐到USDA極佳級牛排、威靈頓牛柳，仿如置身德國，可以止一下旅行癮！成人可免費帶4歲以下小童入座，一家去食Buffet也是不錯選擇！
香港W酒店
地址：尖沙咀柯士甸道西1號港鐵九龍站
於Eshop 預訂自助晚餐：星期五至六每位成人$598.4 （可任飲汽水及啤酒）
5. 帝逸酒店 5歲以下免費入場！
酒店推出85折自助晚餐優惠，有任食即開生蠔、現切刺身及多款冰鎮海鮮等美食。另外亦有多款以福岡士多啤梨製作的甜品，包括士多啤梨生乳卷、士多啤梨白桃撻等，還有自家製Gelato及多款Mövenpick雪糕，小朋友一定鍾意！依家5歲以下小童可免費入場。
帝逸酒店
地址：沙田源康街1號
自助晚餐價錢：星期一至四 成人$638，星期五至日及公眾假期 成人 $698
*留意持有匯豐信用卡可享85折優惠
6. 帝京酒店 食長腳蟹、鮑魚！
酒店的花月庭推出升級自助餐，周五至日及公眾假期更可享用比平日更多種類的美食，包括長腳蟹、翡翠蠔皇鮑魚、烤澳洲M5和牛肩、36個月西班牙伊比利亞火腿、甜蝦刺身、金蒜蟹肉糯米飯、自選海鮮生滾粥等，還有多款冰鎮海鮮、即開生蠔，同小朋友去，5歲以下小童免費。
帝京酒店
地址：香港九龍太子道西193號
價錢：
- 星期一至四第一時段自助晚餐（17:45 - 19:45）、第二時段自助晚餐（20:00 - 22:00）每位成人淨價$428。（已包括加一服務費）
- 星期五至日、公眾假期及前夕每位成人$728。
7. 維港凱悅尚萃酒店 7折起任食韓國美食！
酒店新落成不久，成為近年人氣Staycation之選！維港凱悅尚萃酒店推出韓國主題自助餐，無得去旅行可以食韓國美食，OpenRice會員經由網上訂座時選擇訂座優惠可獲得高達7折優惠！另外每位大人最多可以免費帶兩位5歲或以下小童入座用餐！
維港凱悅尚萃酒店
地址：香港北角北角邨里一號
自助晚餐價錢：星期一至四 成人$608，星期五至日及公眾假期 成人 $678
8. 諾富特世紀酒店 12歲以下小童免費入座！
酒店自助餐有得食生蠔、凍蝦、青口、翡翠螺等凍海鮮，還有多款刺身壽司、煙三文魚、肉眼扒等！依家成為酒店Facebook專頁粉絲，平日可獲65折，星期六、日及公眾假期可獲85折優惠，雖然Buffet優惠折扣較少，但一位成人可免費帶一位12歲以下小童入座，計返條數都算幾抵，留意只限星期六、日及公眾假期呀！
諾富特世紀酒店
地址：灣仔謝斐道238號香港諾富特世紀酒店1樓
價錢：
- 星期一至四 成人 $338 / 小童 $218
- 星期五至日及公眾假期 成人 $358 / 小童 $228
相關連結：
