入舖採訪遭利刀指肚 「東張女神」利穎怡陷險境

入舖採訪遭利刀指肚 「東張女神」利穎怡陷險境
入舖採訪遭利刀指肚 「東張女神」利穎怡陷險境

「東張女神」利穎怡(Joan)為工作經常「搏到盡」,日前採訪「千里尋子」的故事,更一度深陷險境,被一名男子持刀指向腹部,距離只有一隻手掌位,幸她走得快,速離舖頭,避過一劫!

Joan採訪「千里尋子」題材。
Joan採訪「千里尋子」題材。

《東張西望》女主持利穎怡(Joan)一向以「膽生毛」見稱,曾追訪過不少危險事件,早前為追訪牛頭角一名被指行為怪異的女子時,更差點被打,此事引起不少回響,不少網民更擔心她的人身安全,但Joan依然勇字當頭,繼續緊守崗位。

Joan堅大膽,出咗舖頭都繼續問嘢。
Joan堅大膽,出咗舖頭都繼續問嘢。

日前,她採訪一單「苦媽千里掛牌尋子」事件,並到一間地產舖欲找女事主的奶奶鄭太做訪問,怎料,原以為簡單的訪問邀請,最終卻換來死亡威脅,舖頭入面的一位男子竟持刀指嚇她,生死懸於一「掌」之間,Joan表示:「我同女導演、撰稿員3個女仔入去,想搵女事主嘅奶奶,點知裏面一位男士突然喺枱底攞出一把大生果刀出嚟,分別指向我同導演嘅腹部,大約一個手掌位左右。(當時咪好驚?)我未嚟得切驚,已經同女導演佢哋一齊走咗。(點解冇男士陪同?)因為開始時只係諗住問吓,好簡單嘅事,所以攝影師同收音師2位男士喺門口等。(有冇諗過報警?)女導演有,但最後唔想搞大件事所以冇咁做。」

點知畀人用刀指住個肚,真係好危險。
點知畀人用刀指住個肚,真係好危險。

Joan由於沒想過在鬧市地舖會有此事發生,故此,到現在的感想都是難以置信:「唔明點解可以喺文明社會入面,有呢啲事(用刀指嚇)發生,真係超出我嘅想像,但我到依家都唔係太驚,覺得對方都只係嚇吓我哋。(下次會唔會再小心啲?)入室內時會開住度門,等攝影師佢哋睇到我哋,咁樣有乜嘢事佢哋都可以第一時間幫手。」

Joan話當時覺得好簡單,所以冇叫埋男同事一齊入舖頭。
Joan話當時覺得好簡單,所以冇叫埋男同事一齊入舖頭。

最新一集的《東張西望》播出鄭太兒子受訪片段,指地產舖男子所持的刀,只是切生果之用,並且在私人地方拿刀應沒問題。

Joan之前採訪都試過差啲被打。
Joan之前採訪都試過差啲被打。