內地傳媒最討厭藝人名單 鄧紫棋上榜?

·2 分鐘文章
內地傳媒最討厭藝人名單 鄧紫棋上榜?
內地傳媒最討厭藝人名單 鄧紫棋上榜?

內地傳媒日前公布娛記最受歡迎及最討厭藝人名單,最受歡迎三甲分別係李現、周深同埋鄧倫;李現被讚準時、對人真誠同埋有個人魅力;周深就係金句製造者,記者們唔怕冇料交;至於鄧倫就被讚表達能力強,即係講嘢有條理,唔係問非所答啦,難怪深得記者喜愛!另外,被點名讚嘅藝人仲有李易峰、黃曉明、楊冪同埋迪麗熱巴。

李現(左起)、周深、鄧倫最受歡迎!
李現(左起)、周深、鄧倫最受歡迎!
李易峰(左起)、黃曉明、楊冪同埋迪麗熱巴都被點名讚。
李易峰(左起)、黃曉明、楊冪同埋迪麗熱巴都被點名讚。

至於最討厭藝人名單,佢哋就玩揞名爆,整晒剪影起晒朵,就睇你估唔估到佢哋係邊個!榜單頭2位,分別係「網劇小花」同埋「大眼小鮮肉」,兩人都被指極度唔配合,成日遲到又或者係咁改期做訪問,做訪問時又言之無物,有網友估計係劇集《傳聞中的陳芊芊》嘅趙露思同埋丁禹兮!

《傳聞中的陳芊芊》嘅趙露思同埋丁禹兮上榜?
《傳聞中的陳芊芊》嘅趙露思同埋丁禹兮上榜?

另外,最討厭藝人名單中,見到一位「金曲小天后」,貼士話佢唱功同創作能力都令人信服,2020年有綜藝見街,又提到佢訪問前後兩個樣,採訪時就氣氛好好,點知完咗訪問即時大發雷霆,叫工作人員唔好畀記者寫感情事,點知佢轉過頭自己喺社交網放閃,即係自己晒就得,人哋寫就唔得?網友就估講緊嘅就係鄧紫棋(G.E.M.)!

有網友估G.E.M.係嗰位金曲小天后。
有網友估G.E.M.係嗰位金曲小天后。
G.E.M.同男友好恩愛。
G.E.M.同男友好恩愛。

仲有一位「恐崩圖頂流」,佢哋話個男星喺群訪時畀人影咗張相,結果有保鏢衝出嚟,要求刪相,怕畀人影咗崩壞照!佢又好怕畀人搶風頭,出活動禁忌就係要同其他一線避開!網友就估佢係《陳情令》爆紅嘅肖戰!

肖戰唔畀人影相?
肖戰唔畀人影相?