內地全新綜藝節目疑抄襲《換乘戀愛》被網民鬧爆:又抄襲真丢臉

·2 分鐘文章
內地綜藝節目《做朋友也沒關係》被指抄襲韓國綜藝節目《換乘戀愛》
內地綜藝節目《做朋友也沒關係》被指抄襲韓國綜藝節目《換乘戀愛》

韓流對全世界嘅影響力越嚟越大,《魷魚遊戲》就係一個好好嘅例子,劇集已經成為Netflix史上最受歡迎嘅影集,早前優酷宣布將於明年推出《魷魚的勝利》,結果惹來抄襲之嫌。其實除咗《魷魚的勝利》之外,內地娛樂圈不時都會傳出抄襲疑雲,最新就有內地推出戀愛真人騷《做朋友也沒關係》,被指與韓國嘅《換乘戀愛》似到十足十,惹來網民熱烈討論。

《換乘戀愛》邀請五對已分手嘅情侶,進行同居生活再聚集一齊,一齊分析及猜測節目嘉賓嘅想法及行為。而五對嘉賓安排入住同一間屋朝夕相對,亦可以睇見自己前任與其他「同屋主」互動或曖昧。節目播出後大受歡迎,除咗5對情侶成為大眾嘅焦點之外,唔少韓國網民都話對節目產生共鳴感。

不過估唔到節目播完唔夠一個月,內地芒果TV推出戀愛真人秀節目《做朋友也沒關係》,節目搵嚟三對已分手嘅情侶進行同居生活,結果引起內地網民不滿,紛紛留言鬧爆,例如「永遠不會創新」、「說借鑒算好聽」、「能不能自己有點創意,老抄人家的丢人」、「南韓分台芒果台」、「抄得真快」、「這麼明目張膽的抄,臉都不要了嗎,還整改」、「怎麼又這樣,策劃自己没腦子哦,抄他們也不嫌晦氣」及「又抄襲 真丢臉」等等。

南韓《換乘戀愛》
南韓《換乘戀愛》
內地《做
內地《做

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能