內地搞離婚綜藝騷 民選王菲栢芝同台見前夫

·2 分鐘文章
內地搞離婚綜藝騷 民選王菲栢芝同台見前夫
內地搞離婚綜藝騷 民選王菲栢芝同台見前夫

歌手鄧麗欣(Stephy)同台灣男友王子(邱勝翊)結束3年「姊弟戀」,全城集氣希望佢同前度方力申再續10年情緣,而喺內地亦有電視台想食住「翻撻」呢條橋,搞個別開新面嘅離婚綜藝節目叫做《再見愛人》。據知湖南台召集離婚明星夫妻參加,主題係畀機會離咗婚又係單身嘅明星復合,重新回到當初嘅恩愛時光,節目組仲將啲離婚夫婦安排共對18日,睇吓佢哋會唔會復婚嘅可能,電視台仲話邀請咗4對已經離婚嘅夫婦參加添。

呢個咁有噱頭嘅綜藝節目預告傳開後,好多網友就喺網上列出好想睇嘅離婚夫婦名單,包括有楊冪同劉愷威、王菲同李亞鵬、謝霆鋒同張栢芝、王寶強同馬蓉、李小璐同賈乃亮、董璇同高雲翔、馬伊琍同文章等。

楊冪同劉愷威成日分開中港兩地。
楊冪同劉愷威成日分開中港兩地。
王菲同李亞鵬依家各有另一半。
王菲同李亞鵬依家各有另一半。
謝霆鋒同張栢芝2011年離婚。
謝霆鋒同張栢芝2011年離婚。

不過啲網民又分析,霆鋒同王菲熱戀中,相信就算電視台出到「天價」利誘,佢哋有超過1000%冇興趣玩。而王寶強同馬蓉已去到「老死不相往來」嘅地步,參加嘅機會亦好微。所以啲網民就估賈乃亮同李小璐、董璇同高雲翔、文章同馬伊琍,仲有好高收視嘅楊冪同劉愷威,呢幾pair都有啲可能有興趣玩,其中賈乃亮同李小璐呼聲最高,更傳過N次復合傳聞。

王寶強同馬蓉「老死不相往來」。
王寶強同馬蓉「老死不相往來」。
網友估計賈乃亮同李小璐最有機會「合體」。
網友估計賈乃亮同李小璐最有機會「合體」。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能