內地瘋傳「限籍令」封殺外國籍藝人 謝霆鋒、王力宏等遭點名難登中國舞台

·2 分鐘文章
內地瘋傳「限籍令」封殺外國籍藝人
內地瘋傳「限籍令」封殺外國籍藝人

中國內地演藝圈不時都會出現封殺藝人現象,趙薇早前因曾披日本軍旗遭全面封殺,作品被影音平台一夜之間全面下架,黃曉明、李冰冰等好友紛紛喺微博刪除與趙薇嘅相關內容,力求自保唔會遭受牽連。不過,近日網上又再流傳一份由國家廣電總局發出嘅「限籍令」封殺名單,當中涉及擁有外國國籍藝人,指佢哋難再喺中國舞台出現。

網絡流傳嘅「限籍令」封殺名單包括王力宏(美國籍)、潘瑋柏(美國籍)、李連杰(美國籍)、謝霆鋒(加拿大籍)、趙又廷(加拿大籍)、劉亦菲(美國籍)、張鐵林(英國籍)等等,通告上亦列明根據中華人民共和國國籍法第9條,定居外國嘅中國公民,自願加入或取得外國國籍即自動喪失中國國籍,而呢班外國國籍藝人將不能再喺中國舞台上「大肆圈錢」。

其實上年內地廣電總局發佈嘅《網絡綜藝節目內容審核標準細則》當中通用細則第一部份就「主創及出鏡人員選用問題」已指出不得選用有醜聞劣迹、違法犯罪等行為藝人,亦列明「選用外國國籍或港澳台籍人士不當」,意味外國籍、港台藝人都受規範。而呢次網上流傳嘅「限籍令」名單真偽雖然未經國家廣電總局官方確認,但唔少網民已經議論紛紛,就連經常喺網絡上爆料嘅內地導演周國剛都喺抖音點名李連杰:「趕緊跑吧!下一個月塌房的,很有可能是你啊。」

謝霆鋒
謝霆鋒
潘瑋柏
潘瑋柏
王力宏
王力宏
劉亦菲
劉亦菲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能