內地網紅李子柒YouTube訂閱量刷新健力士世界紀錄

·2 分鐘文章
內地網紅李子柒YouTube訂閱量刷新健力士世界紀錄(微博圖片)
內地網紅李子柒YouTube訂閱量刷新健力士世界紀錄(微博圖片)

相信有唔少人一得閒就會去YouTube睇片,唔知邊位係你最鍾意嘅YouTuber呢?據健力士世界紀錄(Guinness World Records)官方微博周二(2日)嘅消息,被譽為「古風美食第一人」嘅內地網紅李子柒,平日喜歡拍攝美食製作或四川農村生活嘅記錄,於今年1月25日以1410萬嘅YouTube訂閱量,刷新咗上年7月由佢自己創下嘅健力士世界紀錄「最多訂閱量的YouTube中文頻道」稱號,絕對可以話係為國爭光呀!

雖然現時李子柒生活過得非常美滿,同時亦可以寓工作於娛樂,但其實佢都曾經有個不快樂嘅童年生活。李子柒自細父母離異,其後父親早逝,令李子柒成為一位孤兒,後期因為後母對佢唔好,爺爺嫲嫲睇唔過眼,最後決定接佢到四川過農鄉生活。

李子柒喺20歲出頭時,嫲嫲患上重病,所以佢決意開一個網店賣家鄉農產品賺取生活費,更於三年前開設「李子柒旗艦店」,當中以售賣螺絲粉、藕粉、四川紅薯粉、紫薯蒸米糕及家鄉玫瑰花餅最為人熟悉。

李子柒於2015年開始拍攝短視頻,2017年開始上載影片到YouTube,而第一條影片名為「用葡萄皮做裙子」,佢嘅影片充滿田園氣息,以中文及英文介紹古風美食,片中佢不時穿上中國古裝服飾、沿襲古法工序製作美食,令網民更了解中國嘅傳統鄉村生活。除咗令土生土長嘅內地人覺得好有新意同好好睇之外,佢亦成功吸納唔少海外粉絲,唔少網民睇過佢嘅影片都大讚佢,不過亦有網民嫌佢出片太慢,不過李子柒就回答大家:「春播夏長,秋收冬藏,天下萬事都有其規律」。

李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖
李子柒影片截圖

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!