內地網紅為打卡呃like 穿便服到訪切爾諾貝爾惹爭議

·2 分鐘文章
內地網紅穿便服到訪切爾諾貝爾惹爭議
內地網紅穿便服到訪切爾諾貝爾惹爭議

好多人知道輻射帶嚟嘅影響深遠,核洩漏嚴重的話更加足以致命,大家亦需要長期保持警惕!不過近日有位內地網紅Lorelei01 不顧安危,為打卡竟然冒險去到曾經喺1986年發生核事故轟動全世界嘅切爾諾貝爾影相打卡呃like,究竟佢為咗打卡可以去到幾盡?

早前呢位內地網紅參加烏克蘭當地嘅旅行團,去到切爾諾貝爾荒蕪,更將相片上傳到個人微博,並指自己去到世界上最危險嘅旅行地之一,而且係徒步三日兩夜,穿越小鎮,離開嘅時候天邊更燃起火燒雲,其中一張相片更係石棺照片。

其實烏克蘭政府當地由2011年起開放切爾諾貝利地區俾遊客,所以去影相唔係重點。重點係好多網民睇到相之後都一致批評佢,原因係因為佢只係身穿便服,完全係冇身穿保護衣下影相。而佢亦留言回覆其實自己長時間身穿保護衣,只係於輻射量數值較低嘅地方先身穿便服影相留念。最後佢嘅微博貼文更引來唔少爭議及投訴,結果個人微博遭受停用。

內地網紅穿便服到訪切爾諾貝爾惹爭議(微博圖片)
內地網紅穿便服到訪切爾諾貝爾惹爭議(微博圖片)
內地網紅穿便服到訪切爾諾貝爾惹爭議(微博圖片)
內地網紅穿便服到訪切爾諾貝爾惹爭議(微博圖片)
內地網紅穿便服到訪切爾諾貝爾惹爭議(微博圖片)
內地網紅穿便服到訪切爾諾貝爾惹爭議(微博圖片)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能