內地隔離出意外 高海寧撼爆嘴

高海寧扁嘴展示傷勢,我見猶憐。
高海寧扁嘴展示傷勢,我見猶憐。

高海寧有傳年底約滿無綫並有意離巢外闖,但有指公司嘗試挽留並畀「甜頭」,安排她到內地工作,增加搵銀機會,雙方就續約問題拉鋸中。日前她隨王祖藍北上交流,怎料在酒店接受隔離期間發生意外!

她在社交網開直播,有Fans發現其嘴唇位置有血痕而揭發事件,她解釋:「我瞓覺前會睇手機,可能攰得滯瞓着咗,到我醒咗嘅時候,唔為意部手機仲插住條叉電線,一拎開部手機,成部電話打番轉頭,撞咗落個嘴度,搞到個嘴爆咗!」Fans非常擔心,她即派定心丸表示只是輕傷,但其後她上載新照片時,面口卻似足「苦瓜乾」。