全城為7歲童搜尋熊啤啤 原因有洋蔥

19+

 

小朋友唔見玩具,屋企人可能都係敷衍下,

話「買返隻俾你啦」就算。

 

呢位7歲仔Duncan唔見咗隻玩具熊,反而有好多人幫手。

 

喺加拿大,Duncan同屋企人去到另一個省旅行。

唔知點解,佢個背囊唔見咗,而入面隻玩具熊係有錄音裝置,

錄低咗因病離世嘅媽媽把聲。

 

消息喺網上傳開去之後,Duncan身處嘅城市即使只有6萬人,

大家都收到消息,仲幫手睇睇。

有位帶個仔去釣魚嘅媽媽Heidi,喺公園見到一個被遺下嘅背囊,

覺得好熟口面,於是打開一睇,真係有隻熊仔喺入面。

當佢按一按公仔,留言訊息響起,同樣係媽媽嘅Heidi不禁流下眼淚……

 

Heidi通知咗Duncan家人,由於佢地已經返回老家,

Heidi就同Duncan講,啤啤會喺屋企過夜,第二日Heidi又帶住呢隻小熊遊覽城中名勝,

再將佢交到有份發布「尋熊啟事」嘅電台,由主持人安排交收。

當地有航空公司願意提供免費運載熊仔返老家。

 

人人出分力,自然會有happy ending!

原文傳送門

你可能還想看