【全城集氣】馬國明冧莊視帝 湯洛雯承諾結婚

·1 分鐘文章
【全城集氣】馬國明冧莊視帝 湯洛雯承諾結婚

視帝馬國明去年6月被東網斷正同湯洛雯(靚湯)拍拖,半年來仲經常上女友香閨,實行半同居試婚!有傳馬國明求婚成功兼今年拉埋天窗嘅佢哋,最近又被東網影到去視察位於馬鞍山嘅新婚愛巢,有晒結婚迹象!

而踏入2021年後,靚湯喺社交網寫道:「2021快樂!」不過睇真啲,右下角有幾行細字:「既然你哋咁想,如果,我係話如果呀吓,佢今年冧莊(視帝),就結啦😜」有網民問佢:「我cap咗圖㗎喇,為拉票定為結婚先?」仲有好多人話因為咁要投票畀馬國明,仲話要集氣:「馬國明一定攞硬最佳男主角,2021靚湯結硬婚!」、「期待你穿婚紗的照片!」、「靚湯你記得兌現呀!」,仲紛紛恭喜定佢,叫佢唔好走數呀!