《全民造星3》冠軍 「折骨Ben」趙祥誠曾被欺凌頭撞水管 「以為自己死咗」

·3 分鐘文章
《全民造星3》冠軍 「折骨Ben」趙祥誠曾被欺凌頭撞水管 「以為自己死咗」
《全民造星3》冠軍 「折骨Ben」趙祥誠曾被欺凌頭撞水管 「以為自己死咗」

《全民造星3》唔覺唔覺完咗就快2個月,奪得冠軍嘅趙祥誠(Ben)而家排練緊《造星》導師梁祖堯嘅舞台劇《通菜街喪屍戰》,對比起其他參加者算係發展得唔錯。贏出比賽之後,傳媒起到「折骨Ben」家底原來唔簡單,媽咪一個湊住幾個細路,又同萬梓良兄妹相稱,阿Ben一家仲係住獨立屋,家境相當唔錯。但係Ben喺YAHOO TV《娛樂訪談》提到過去,反而係一段段童年辛酸史。

《全民造星3》冠軍 「折骨Ben」趙祥誠曾被欺凌頭撞水管 「以為自己死咗」
《全民造星3》冠軍 「折骨Ben」趙祥誠曾被欺凌頭撞水管 「以為自己死咗」

睇《全民造星3》都知阿Ben性格內向,佢自己都話自細就唔多同人玩兼鍾意匿埋,所以成日畀人「恰」,甚至日日被同學打。阿Ben數返遇過唔同方式欺凌,試過小學三四年班俾人批踭,搞到成分鐘抖唔到氣,以為自己死咗;有一次無端端被十幾個同學喺操場「追殺」,捉住阿Ben成個人再將佢個頭撞向水管!阿Ben話除非頂唔順,或者唔知對方下一步點做,先至會推開蝦佢嘅同學仔,但係冇試過打返對方。

《全民造星3》冠軍 「折骨Ben」趙祥誠曾被欺凌頭撞水管 「以為自己死咗」
《全民造星3》冠軍 「折骨Ben」趙祥誠曾被欺凌頭撞水管 「以為自己死咗」

Ben話當時唔知咩叫「欺凌」,只係唔明白點解人地要咁對自己,又怕屋企人知道會擔心,加上學校老師寧願大事化小,結果令佢好驚返學,甚至而家都怕咗讀書。另一方面因為咩都收收埋埋,所以更加唔識表達自己。阿Ben小學時代唔講嘢,有同學話完全未聽過佢把聲!

返學雖然恐怖,放學就唔同晒,Ben嘅家姐細佬妹都會同佢一齊搵嘢玩,佢亦都開始打機睇動漫,上中學之後識到一班宅男朋友,開始有共同話題。而家諗返,Ben思疑細個可能係有ADHD(過度活躍及專注力不足)甚至自閉症,但而家嘅佢唔會以呢啲名稱標籤自己,因為相信點睇自己好緊要,自己覺得做得到,好多嘢都會克服到。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!