【全民造星3】十強講花姐 陳葦璇夠膽嘈交 Cloud居然叫花姐「返去XX」

·2 分鐘文章
【全民造星3】十強講花姐 陳葦璇夠膽嘈交 Cloud居然叫花姐「返去XX」
【全民造星3】十強講花姐 陳葦璇夠膽嘈交 Cloud居然叫花姐「返去XX」

星期六舉行決賽嘅《全民造星3》,可以話係監製花姐(黃慧君)得意之作。過去兩屆《造星》以至拍住Error一齊出埠嘅《花姐Error遊》,都見到花姐霸氣同惡死嘅一面。嚟到season 3,十強人馬講起花姐梗係賣口乖,仲大爆花姐可愛一面。

二十強比賽當中,黃劍文(Kimman)以搖滾曲風演唱《我們的愛》,唔單止評判讚好,就連花姐見到Kimman嘅牛仔褸都竟然俾心心手勢,令Kimman大嗌「好正!」之餘仲覺得佢好sweet~

【全民造星3】十強講花姐 陳葦璇夠膽嘈交 Cloud居然叫花姐「返去XX」
【全民造星3】十強講花姐 陳葦璇夠膽嘈交 Cloud居然叫花姐「返去XX」

曾經參與《全民造星》嘅NY一早領教過花姐可以有幾惡,所以重返《造星》佢話以平常心去面對;同樣係「重讀生」嘅KLAU就話花姐私底下一啲都唔mean,份人超級好。至於被指係「花姐契仔」嘅AnsonBean亦都「護駕」,認為花姐唔係躁底,只係想直接指出錯處,甚至話「俾佢鬧即係等如俾佢讚」……咁識講嘢,好難唔話你係契仔噃!

【全民造星3】十強講花姐 陳葦璇夠膽嘈交 Cloud居然叫花姐「返去XX」
呢班仔被問到想睇「花姐溫柔」定「花姐性感」,KLAU同神經刀CY居然舉手想睇「花姐性感」……

《全民造星》首次有女參賽者,而花姐喺初選講過「好後悔收女仔」,咁係咪會有「特別待遇」?一眾女子都話花姐今季冇咩鬧人,最多都係驗收演出時話唔鍾意某個表演項目,但係有導師二汶幫手擋。而陳葦璇自爆自己夠膽駁咀,事緣係璇璇剛剛聽師傅建議改藝名冇耐,但係花姐仲係叫佢原名「嘉茵」,葦璇因此同花姐嘈咗2個禮拜。而被認為係黑馬嘅Cloud更夠薑,竟然叫花姐「返去做嘢」!