《全民造星3》疑似十強名單流出 Alina／葉巧琳／陳葦璇／AnsonBean殺入總決賽？

ViuTV大型選秀節目《全民造星III》掀起全城熱話，連唔少圈中人都有追看，搞到無綫要變陣改播劇集《香港愛情故事》迎戰。《全民造星III》30強名單喺一片哀嚎及憤怒聲中出爐，唔少網民對A組落敗感到不滿，紛紛留言鬧爆評判及指賽果不公平，仲揚言要罷睇。有報道指《全民造星III》十強喺11月已經誕生，ViuTV將會喺12月最後兩星期公佈，而總決賽就已經定咗喺12月26日Boxing Bay舉行。

既然十強喺早前已經順利誕生，有自稱熟知節目內情嘅網民喺連登討論區爆出十強名單，佢哋分別係NY、AnsonBean、葉巧琳Mischa、CY、Alina、Kimman、KLau、Ben、陳葦璇及Cloud，而大熱嘅Timo同Manson就冇影。至於呢個疑似名單係唔係真？花姐接受傳媒查詢時就冇否認，只係話真定假，為咗觀眾唔會講。

想知呢個名單係唔係真？大家都係繼續收睇《全民造星III》啦！

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！