《全民造星3》Alina黑歷史流出 被指曾當第三者介入胡定欣陳明道戀情

ViuTV大型選秀節目《全民造星III》自播出以嚟掀起全城熱話，連帶參加者人氣急升而被挖出「黑歷史」。繼江宏基（Timo）及人氣王張進翹（Manson）後，啱啱成功晉身十強嘅李靜蓮（Alina）都被指佢喺入行初期曾介入胡定欣與音樂人陳明道（Terry）嘅戀情。

近日有報道指Alina喺舞蹈員圈子出名電力十足四圍電仔，連陳明道都對Alina特別照顧。有指當年因為Alina介入而導致胡定欣與陳明道分手，不過有指佢哋嘅年齡差距大，一齊咗好短時間就分開咗。而現時Alina就同MIRROR成員邱士縉（Stanley）拍拖約兩年，二人感情穩定仲不時喺社交網站放閃。

現年29歲嘅Alina，除咗有樣有身材之外，舞技仲非常出色添呀！2013年畢業於演藝學院舞蹈系，之後開始佢嘅舞蹈員生涯。2016年Alina想發掘跳舞以外嘅演藝細胞，所以參加ViuTV選美節目《美選D.n.A 》成功躋身8強。之後佢亦參與無綫及ViuTV嘅劇集及節目拍攝，例如ViuTV《Youth有機生活》主持、《黑市》飾演陳姑娘及無綫《宮心計2深宮計》 飾演宮女芙蓉等等。工作機會唔多但對娛樂圈野心勃勃嘅Alina，今年搏到盡去參加《全民造星III》，唔怪之得成為大熱黑馬啦！

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】愛搶別人男友星座