全民造星4丨Day許軼嚴重失誤導師阿Dee自責 許廷鏗嬲爆表演同預想有距離

《全民造星IV》截圖
《全民造星IV》截圖

ViuTV選秀節目《全民造星IV》正播出25強爭20強最後分組賽,前晚(14日)一集肥仔(梁業)擔任導師嘅「肥仔組」獲294.4分;而Anson Kong(江𤒹生)做導師嘅「AK組」就奪得248分。噚日(15日)嗰集就播出阿Dee及Lokman組別,其中Dee組狂失誤,許廷鏗仲更加點名Day(許軼)。

Lokman組以rap形式表演原創歌《正傳》,得到評判大讚,以316.2分成為四隊最高分一隊;由Ariel(曾家瑩)、Kinki(盧芷韻)、Day(許軼)、So Ching(蘇芷晴)及馬欣(馬彩欣)組成嘅Dee組就以唱歌、跳舞及rap演出《黑天鵝》,但因為失誤僅獲236.6分,成最低分一隊,至少要淘汰兩名成員。其實喺表演前,阿Dee聽到呢個演出就直言難度好高,覺得好棘手,不過唔想主宰組員演出,所以盡可能幫佢哋做得更好,仲話希望組員可以做到一個對得住自己嘅表演。

Dee組正式表演時,頻頻出現失誤狀況,其中以大熱Day最嚴重,唱rap嗰陣仲甩埋嘴,喺後台嘅阿Dee睇到勁失望同時感到自責。梁祖堯問到Day失誤原因,佢解釋指因為自己對rap詞仲未係好熟:「份詞都係兩日前先確認,因為係我自己寫,臨時多咗手部動作,而且件衫又唔係好舒服。」許廷鏗就嬲得拍晒枱,坦言:「我好嬲,我諗緊嬲乜,我嬲係大家各自做到嘅嘢,但出嚟同我預想有距離。」許廷鏗更點名Day,指唔接受佢個解釋:「我知你依家好崩潰,因為先頭個失誤。你講嘅理由唔係一個理由,係藉口,因為份詞大部份都係你寫!你要記住呢一次經驗。」Dee組返後台後,Day自責拖累組員,阿Dee就表示自己當年都係30強止步鼓勵佢哋。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!