全民造星4|人氣Jackie及「女版Lokman」Gao跌復活區 獲網民支持復活
ViuTV《全民造星IV》噚晚(16日)最新一集,繼續係99強爭入60強,而大家期待已久嘅88號Jackie(劉展翹)及38號Gao(沈貞巧)終於登場,佢哋分別對戰12號Sica(何洛瑤)及43號Tengie(區廷筠),可惜佢哋雙雙跌入復活區。
「孖8」Jackie係人氣KOL,2018年已經參加過《Good Night Show 廣告女皇》,喺比賽前更已經係冠軍大熱。Jackie以《A Day With Me》作為參賽歌;而對手Sica大走日系風格,穿上校服跳唱《心急人上》,最終Sica得到兩盞燈成功晉級,,不過佢嘅表演得唔到兩位導師嘅歡心,最終評判決定將佢交俾導師梁祖堯,而Jackie就跌入復活區。
38號嘅「女版Lokman」Gao以一段Locking演繹《Workin’ Day and Night》,期間梁祖堯都忍唔住話好似Lokman,而評判當奴都話好勁。至於佢嘅對手Tengie就表演唱《睡到3點》,梁祖堯亦有大讚佢揀歌揀得好。結果由Tengie勝出,晉級60強並進入許廷鏗隊伍,而Gao就跌入復活區。
節目出街後,唔少網民都留言支持Jackie同Gao,例如「支持 jackie, 展護衛全面進場」、「好喜歡這表演,孖八世一,望鏡頭d眼神引死人」、「俾返Jackie 我呀 佢好可愛」、「好鍾意呀Gao!!!希望有得復活!」、「Gao努力呀!你跳得好好呀...完全唔明點解唔俾你入,太離譜」及「佢一定救得返啦 好鍾意呢個表演!」
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!