全民造星4|今宣佈女團出道名單 MIRROR婚姻破裂苦主開「前夫反擊戰」群組:教細路認新媽咪

·2 分鐘文章
《全民造星4》女團
《全民造星4》女團

ViuTV選秀真人騷《全民造星IV》上月25日總決賽由邱彥筒(Marf)、沈貞巧(Gao)及Day(許軼)分別奪得冠、亞、季軍,直接奪得女團席位,而今日(12日)下午6時半就會舉行出道記者會公開其他女團成員,唔少人都大感期待,尤其係受MIRROR熱潮成婚姻破裂苦主嘅「前夫們」已經喺Facebook開設「前夫反擊戰」群組,表示:「大家都忍辱負重左3年啦,係時候啦!前夫們出擊啦!」

ViuTV終於喺早兩日發佈女團最新消息,以「HOLD YOUR BREATH」作口號,並指ViuTV及我哋Yahoo娛樂圈等Facebook專頁將同步喺今日下午6時半直播。唔少「前夫」已經喺「前夫反擊戰」群組作出討論,除咗猜測最終女團組合名同成員名單,仲大談反擊大計,紛紛留言:「君子報仇,十年未晚」、「今晚開始教啲細路認新媽咪!」、「我都忍得隻老虎耐啦!明晚攞正牌出軌!」、「快啲出底褲、EPS、電話、保險,乜都買晒佢,我日日排隊買自己既野!我現在宣佈以後無時間排隊買Mirror既野,要排自己排」、「個佬追緊女團而你介入人地可以叫『小三』」等等。

「前夫反擊戰」群組喺噚日(11日)成立,但已有逾兩萬七千多人加入(截至12日早上9點半),討論度相當熱烈,不過就有精明嘅「前夫」留言指唔少太太都入咗群組,提醒各「前夫」要小心:「留意前妻有無買定玻璃!」

《全民造星IV》女團將於1月12日正式誕生
《全民造星IV》女團將於1月12日正式誕生

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能