全民造星4|入到總決賽未必入到女團?經理人Wing:睇潛力多啲
ViuTV選秀真人騷《全民造星IV》正進行得如火如荼,上星期五(26日)完成第二回合淘汰賽,今晚(29日)便會正式誕生40強名單。今季賽制比過去殘忍,採取即時淘汰機制,務求打造全能女團,導致唔少深得歡眾及網民喜愛嘅參加者被淘汰,例如阿妹(黃敏蕎)、Yanis(吳欣諺)、Ash(鍾卓穎)及Emiko(徐嘉蔚)等等。
早前喺第一輪96強比賽時,花姐(黃慧君)曾經講過將會喺總決賽當晚宣布女團嘅出道名單,雖然未有決定出道名額,不過出道位置將直接以名次決定。咁即係話上面嘅人氣參加者已經無緣入女團?經理人Wing喺接受傳媒訪問時就指出現時仍未落實任何嘢,雖然花姐嘅角度係節目打造女團,所以女團理應由勝出嘅某幾個名次組成,不過Wing就認為女團之後要行好多年,所以佢想睇潛力多啲。被問到係唔係怕喺總決賽有黑馬跑出,Wing就話唔驚,最驚係個組成,因為佢希望女團係係瓣瓣都掂,所以成員點樣配搭,放埋一齊先係關鍵。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!