全民造星4| 陳輝陽形容B1似夜總會表演 A3文青系唱將Emiko被淘汰

·3 分鐘文章
《全民造星IV》截圖
《全民造星IV》截圖

ViuTV選秀真人騷《全民造星IV》喺噚晚(23日)最新一集繼續進行第二回合淘汰賽,第二輪對戰由許廷鏗(Alfred)領軍嘅A3對梁祖堯帶領嘅B1,前者係文青系唱將,後者係專業舞者,為觀眾及評判帶來截然不同嘅視覺感受。

第二輪對戰先出場嘅係A3,成員包括Emiko(徐嘉蔚)、Kinki(盧芷韻)、何佩(何佩婷)、Vicky(林泳怡)、Candy(王家晴)及Jade Chan(陳景晴),佢哋以唱歌及戲劇表演歌曲《剎那的烏托邦》,雖然導師許廷鏗當時睇到眼濕濕,不過評判就似乎唔太欣賞,當中韋羅莎更應為佢哋哀傷嘅情緒掩蓋咗唱歌嘅聲音,導致內容難以傳達俾觀眾。

之後就輪到B1出場,而成員包括方方(方芷欣)、馬欣(馬彩欣)、Jolin(溫彩玲)、莎莎(坂部佩莎)、榛綦(何榛綦)及Miko(任佳慧),成員中有三位係舞蹈老師,所以佢哋喺跳唱表演《血色祭典》時舞蹈非常到位,當中馬欣嘅性感舞蹈連經理人Wing都話:「好索呀!」表演完結後,陳輝陽發表評論話:「覺得呢個對壘好有趣,好似啱啱睇完中學去到夜總會,個反差非常有趣。」喺旁邊嘅少爺占就幫手圓場話:「去咗演唱會好啲喎,去咗夜總會係另一樣嘢嚟㗎喎~」

最後就到兩隊「Dance Battle」,B1嘅跳舞實力實在太強,舞技明顯俾A3優勝,所以總括自選表演及Dance Battle後,評判一致選擇B1勝出。喺落敗嘅A3組中,評判選擇淘汰Emiko。

呢集出街後,唔少網民都認為Emiko值得行得更遠,紛紛留言支持佢,例如「Emiko 都係我心水之一。其實 Emiko 上黎這節目係想人認識佢。為左咁連唔識跳舞/演劇都肯做,希望佢唔好放棄,繼續做好音樂。我會繼續留意 Emiko 動態。」、「我希望emiko可以好似阿jer咁,之後撈返入女圑」、「放心,viu 一定撈返 Emiko 返黎,開個節目講 busking , 去 picnic, 好過跳到傻咁辛苦。Emiko ,加油!」、「連唱得既emiko都FOUL埋 女團呀, 要唱+跳架, 剩揀跳舞叻既搞舞動全城算啦」、「還我主音Emiko」及「其實Emiko都唔係跳得好差 唱歌咁好聽好可惜」等等。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能