全民造星4|DAY許軼已備女團條件?網民抨擊方方累Hannah被叮走

·3 分鐘文章

全民造星4|DAY許軼已備女團條件?網民抨擊方方累Hannah被叮走
全民造星4|DAY許軼已備女團條件?網民抨擊方方累Hannah被叮走

ViuTV《全民造星IV》開展第三回合淘汰賽,雖然都係A組與B組小組對決,但就大改賽制,由導師喺比賽前先揀好準淘汰人選,如果嗰組落敗就會即時淘汰該名成員;5輪比賽後輸得最多嗰組就要淘汰多5名成員。《全民造星IV》比賽咗一段時間已有唔少參加者彈出,例如喺第一輪淘汰賽中已被花姐激讚跳得嘅許軼(Day),今次佢聯同IKA、穎蕎、芯駖、超酸組成「A5」,著住高跟鞋唱跳性感組合The Pussycat Dolls作品。

「A5」組將The Pussycat Dolls多首作品串連成Medley作唱跳表演,仲係Day首次挑戰高跟鞋跳舞,而其他成員就喺比賽前一一指導Day唱歌同埋著高跟鞋跳舞;評判亦大讚「A5」組各人性格唔同,但併埋一齊就好好睇,評判之一嘅吳雨霏仲大讚佢哋,話「A5」令佢諗起以前嘅Spice Girls。Day今次嘅表現亦被網民狂讚,唔少網民都話覺得Day已具備女團條件,仲話Day先係成個表演重點:「成個表演,我眼一直沒有離開過Day」、「係殘忍,其他都係伴舞」、「係造阿Day星,專登搵4個大姐姐教佢嘢培育佢,另外佢自己領悟力又高」等等,甚至有網民直指Day同Marf已經係頂頭大熱,互相係大家嘅勁敵。

同集比賽入面,仲有梁祖堯帶領、由Hannah(陳玉幸)、方方(方芷欣)及馬欣(馬彩欣)組成嘅「B1」組,佢哋分別化上老妝出場延續自選項目「有聚‧有別」,不過就被評判直指唱歌聲線無代入角色,最終Hannah被淘汰,方方爆喊承認自己失誤,一班網民亦喺網上抨擊方方害死Hannah:「方方真係害死人,又冇演技,又用自己聲去演阿婆,見到佢真係好難入戲,難為Hannah」、「我心場唔好,硬係覺得方方專登失誤,整走Hanna(不喜勿插)」、「累人又點,佢自己唔使走,公平咩」、「話唔系保送我真系唔信」等等。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能