【全民造星3】十強專訪 如果大台出100萬勸退 KLAU竟然肯制!

·2 分鐘文章
【全民造星III】十強專訪 如果大台出100萬勸退 KLAU竟然肯制!
【全民造星III】十強專訪 如果大台出100萬勸退 KLAU竟然肯制!

令TVB要轉陣迎戰嘅Viu TV人氣節目《全民造星3》星期六舉行決賽,最後十強早排分成男女子組接受YAHOO TV《娛樂訪談》訪問,以「折骨舞」技驚四座嘅Ben(趙祥誠)被安排同另外四位女參賽者一齊受訪。

【全民造星III】十強專訪 如果大台出100萬勸退 KLAU竟然肯制!
【全民造星III】十強專訪 如果大台出100萬勸退 KLAU竟然肯制!

十強齊集梗係要互選心水冠軍,網民睇好嘅Cloud(雲浩影)得到Ben、Mischa 同NY嘅支持,而Ben同時亦都支持陳葦璇。至於備受睇好嘅Cloud亦都撐璇璇,但係講講吓狂貶眼……唔係要打眼色,而係佢嘅雙眼皮「攝」咗上去!

而小編準備嘅2揀1問題,其中一題係「退選即袋一百萬簽約大台」抑或「繼續比賽26號搏一搏」,照理冇人敢揀前者嘅……勢估唔到Cloud居然有猶疑想選擇袋錢!而參加《全民造星2》十強不入、今屆捲土重來嘅KLAU就真係對一百萬心動,高呼「我課咗兩年金啦」,即係連續2年自掏腰包玩比賽,難怪真心想做叛徒,不過最後都係揀咗繼續比賽。

另一個2揀1問題「臨場肚痾」定「show前失眠」,竟然引起女子組對肚痾嘅研究,Mischa仲話每次出show都痾,佢地仲將呢種肚痾命名為「GOOD SHOW痾」。成班人仲講埋痾水嘅苦處……太有畫面啦!自己睇啦~