全民造星IV︱Marf封口唔講「渣男」 Alice否認姣溝Jer

·3 分鐘文章
全民造星IV︱Marf封口唔講「渣男」 Alice否認姣溝Jer
全民造星IV︱Marf封口唔講「渣男」 Alice否認姣溝Jer

《全民造星IV》總決賽昨日(25日)圓滿落幕,三甲分別由Marf(邱彥筒)、Gao(沈貞巧)及Day(許軼)奪得。冠軍的Marf稱賽果並非預計之內,她表示:「大家嘅進步係超出預期,感覺係好開心,得獎好感恩。」Marf近日被傳戀上廣告男星盧思睿,有網友狠批男方是渣男及人品欠佳,問她會否跟男友慶祝時,她小心翼翼地說:「私人事不回答。」並希望大家相信她的眼光,問到會否因男友之事而影響表現,她說:「唔會,呢啲係分開睇,我工作行先。」

冠亞季分別由(中)Marf、Gao(左)及Day(右)奪得。
冠亞季分別由(中)Marf、Gao(左)及Day(右)奪得。
Marf封口唔講私人事,仲叫大家相信佢嘅眼光!
Marf封口唔講私人事,仲叫大家相信佢嘅眼光!

Gao亦稱賽果在預期之外:「比我想像中驚喜,雖然多數人對我評價係正面,但我未到好大熱。可能今晚我嘅表演畀到驚喜大家,同我一齊表演嘅舞者係我老師同朋友,佢哋都係好出色嘅舞者。」

Gao不忘大讚一齊演出嘅老師及朋友係出色嘅舞者。
Gao不忘大讚一齊演出嘅老師及朋友係出色嘅舞者。

至於Day在評判評分中三甲不入,後因觀眾投票而成為季軍,問她見到評判的分數時有否擔心?她笑言完全不擔心,因為從來沒有想過入到20強:「對賽果好驚喜,因為我唔係一個超級勁嘅人,比我勁嘅大有人在。」

Day直言冇諗過入20強。
Day直言冇諗過入20強。

另外,問到三人最想女團有哪位成員,Marf揀CK(黃斯琪)及Ada仔(姜咏鑫):「佢哋好全能、細心又諒解人,同佢哋合作會好開心。」Gao就想WINKA(陳泳伽)及暐翹(林暐翹)加入,前者唱歌好、心地好又善良,後者勝在搞笑,可做搞笑擔當,而且非常努力。Day的心水之選是Candy(王家晴)及榛綦(何榛綦):「佢哋同我好相似,雖然身材矮但好有能量,佢哋跳舞好有型。」

三人揀女團成員各有心水。
三人揀女團成員各有心水。
Marf大讚CK及Ada仔既全能,又諒解人意。
Marf大讚CK及Ada仔既全能,又諒解人意。
Gao希望WINKA及暐翹加入。
Gao希望WINKA及暐翹加入。

而之前跟MIRROR成員Jer(柳應廷)傳緋聞的Alice(許寶恆)於賽後爆喊,受訪時她否認因失望而落淚:「我係好開心,係開心嘅眼淚,因為我同Gao好好朋友,知道佢有獎好開心同興奮,加上比賽有壓力,完成後感覺好似畢業咁,心情好激動。」問到會否覺得因緋聞而影響賽果,她稱自己已沒有理會這件事,所以沒有影響,至於會否覺得為比賽而付出很多?她坦言:「犧牲咗同家人朋友相處嘅時間,但搵到一班志同道合嘅朋友。(但你付出埋男友?)呢啲嘢有就有,大家Timing唔啱,所以變做朋友,換個方式去相處。」講到再跟Jer見面,她表示不會尷尬,對方有傳短訊鼓勵她外,她也有向對方詢問比賽上的意見,但坦承聞緋傳出後有壓力,花了2天時間平復,並強調分手跟緋聞無關:「已經分開咗幾個月,因為比賽忙,所以少時間相處,佢接受唔到我個工作模式,係溝通同工作模式問題。(話你主動追求Jer,你會唔會澄清吓?)唔會,清者自清。」

Alice唔認姣溝Jer。
Alice唔認姣溝Jer。
強調分手同緋聞無關。
強調分手同緋聞無關。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能